March 27, 2023 | सोमवार, चैत्र १३, २०७९
सुचनाहरु
संक्रमणकालीन न्यायमा एमालेको प्रश्न : झारा टार्न मात्र विधेयक ल्याएको त होइन ? नेपाल कराते महासंघको अध्यक्षमा राखेपका पूर्वसदस्यसचिव कोशी नाम स्वीकार्न चार दलको अपील नवाजुद्दिनले भाइ र श्रीमतीमाथि गरे मानहानिको मुद्दा दर्ता दलित भनेर छुवाछुत गर्नेलाई आजीवन कारावासको सजाय दिनुपर्छः वामदेव गौतम मिटरब्याजीपीडितको समस्या समाधान गर्न सरकार गम्भीर होस् : सांसद बेलवासे अन्तिम कथा रवि लामिछानेमाथि मुद्दा नचलाउने महान्यायाधिवक्ताको निर्णयविरुद्ध रिट लैजाने तयारी सिके राउतको कटाक्ष- मन्त्रीबिना बाँच्नै नसक्नेलाई ल्याउन बारा २ मा उपचुनाव तोकियो २६.८७ अंकले घट्यो नेप्से, कारोबार रकम पनि खुम्चियो बारा-२ का जनताले मेरो डिमान्ड गरिरहेका छन् :उपेन्द्र यादव प्रभु साहको प्रश्न : तस्कर नियन्त्रणमा कसले खाइरहेको छ ४५ प्रतिशत कमिसन ? सवारी दुर्घटनाका घाइतेलाई निःशुल्क उपचारको व्‍यवस्था गर्न माग उत्तर प्रदेशका मुख्यमन्त्री योगी र राजदूत शर्माबीच भेटघाट ज्ञानेन्द्र शाहीको प्रस्ताव : सांसद र मन्त्रीका स्वकीय सचिवको तलब कटौती गरेर खेलाडीको बढाऔं ११ दिन पैदलै हिँडेर मिटर ब्याज पीडित आइपुगे काठमाडौं पदम लिम्बुलाई सहिद घोषणा गर्न सांसद अशोक राईको माग प्राधिकरणको कारबाही : तीन एटीसी निलम्बित खानेपानीको ट्याङ्कीमा शव फेला रास्वपालाई ३, कांग्रेसलाई ८ मन्त्रालय– भोलिसम्म पूर्णता दिने

आईसीयुमा मन्त्री तोसिमाले किन खिचिन् भिडियो?

  • साझा परिवेश
  • बिहिबार, माघ १२, २०७९ 0९:२३
आईसीयुमा मन्त्री तोसिमाले किन खिचिन् भिडियो?

काठमाडौं। जताततै हण्डर ठक्कर खाएका हृदयविदारक घटनाहरु सार्वजानिक गर्दै संसद भवनअगाडि आफैंले आफैंलाई आगो लगाएका प्रेमप्रसाद आचार्यको विषयले संसारभर चर्चा पाएको छ।

सो सँगै असी प्रतिशत जलेको शरीर लिएर कीर्तिपुरको बर्न अस्पतालको आईसीयुमा रहेका आचार्यलाई स्वास्थ्य राज्यमन्त्री डा.तोसिमा कार्कीले बयानको शैलीमा कुराकानी गरेको विषय पनि यतिबेला विवादमा छ।

राज्यमन्त्री कार्कीले आफ्नो नाम आत्मदाहको नोटमा लेखेकोबारे आचार्यसँग कुरा गरेकी छिन् र बयानको शैलीमा प्रश्न उत्तर गरेकी छन्। आचार्यले तोसिमाको बारेका नकारात्मक कुरा नोटमा लेखेका थिएनन् तर चेतावनी भने दिएका थिए। मन्त्री हुन मात्र प्रतिष्पर्धा नगर्न भनेका छन्।

उनले लेखेका थिए- “नेपाल सरकार, देश चलाउने हुटहुटीमा सत्तामा पुग्नुभएका नयाँ पार्टी तथा नयाँ साम्साद, रबि लामिछाने, राजेन्द्र लिङ्देन, ज्ञानेन्द्र शाही, सोबिता गौतम, गगन थापा, बिस्वप्रकास शर्मा, योगेश भट्टराई, तोसिमा कार्की, लगायत तमाम नयाँ अनुहार हरुलाइ बिन्ती, सरकार बनाउने, मन्त्री हुने मात्र प्रतिस्पर्धा होइन, कसैले नदेखेको, तर जनतालाई पिल्साएको मुद्दाहरु आँखा च्यातेर केलाउनुहोस, समाधान गर्नुहोस । यहाँहरु सबैलाई पुनः स्मरण गराउन चाहन्छु।”

मृत्युपत्रमा नाम उल्लेख भएपछि अरु कुरा छाडेर उनले ८० प्रतिशत जलेका व्यक्तिसँग गुनासो गर्नु कति जायज थियो? यो गम्भीर प्रश्न थियो तर राज्यमन्त्री डा.तोसिमाले यसको पर्वाह गरिनन्। उनले बर्न युनिटको पनि अति संबेदनशील कक्षमा मिडियासमेत उपस्थित गराएर भिडियो खिचिन्।

उनी स्वयं स्वास्थ्यकर्मी हुन्। एउटा स्वास्थ्यकर्मीलाई असाध्य पीडाले छटपटाइरहेको एउटा विरामीलाई उपचार गरिरहेको आईसीयुजस्तो कक्षमा गएर कुरा गर्न मिल्छ कि मिल्दैन भन्ने थाहा हुनुपथ्र्यो। अस्पतालको र डाक्टरको पहिलो दायित्व जस्तो सुकै विरामी आए पनि बचाउनु हो।

आचार्य आफैंले आफैंलाई सार्वजानिक ठाउँमा जलाएर अस्पताल पुर्‍याइएका थिए। देशका तमाम विकृति विसंगतिका बावजुद उद्यमी बन्न हजार कोसिस गरेर पनि असफलताले उनलाई विद्रोह गर्न उक्साएको थियो।

विद्रोहको उनको तरिका सही नभए पनि उनले आफूले यसलाई क्रान्ति भनेका छन्। राज्यसत्ता र सरकारप्रतिको आक्रोश उनी जल्नुअघि नै शान्तपार्ने र उनलाई जीवनप्रति सकारात्मक बनाउनेतर्फ कुनै पहल नभएको अवस्थामा मृत्युका लागि आन्तिम संघर्ष गरिरहेका व्यक्ति उपचाररत भएको आईसियुमा बिना पन्जा स्वास्थ्य राज्यमन्त्री कार्की पसेकी छन्।

उनीसँग बोलेकी छन् र पीडामाथि पीडा थप गरिदिएकी छन्। स्वास्थ्यकर्मीले त्यस्ता विरामी भएका कक्षमा कसरी प्रवेश गर्ने सामान्य नम्र्स पनि मन्त्री कार्कीले पालन गरेकी छैनन्। त्यस्तो कक्षमा उनलाई अस्पताल व्यबस्थापनले किन र कसरी प्रवेश गर्न दियो? यो पनि गम्भीर प्रश्न हो।

राजनीतिक फाइदा र स्टण्ट गर्नको लागिमात्र डा.तोसिमा अस्पताल पुगेको देखिएको छ । कसैको पीडादायी क्षणमा टिकटक बनाउन वा भिडियो खिचेर भाइरल बन्नमात्र उनी त्यहाँ पुगेकोजस्तो देखिएको छ। नत्र उनले स्वास्थ्यकर्मीको न्यूनतम इथिक्स र विरामीको संबेदनशीलताको ख्याल राख्नु पर्दथ्यो।

किनकि उनीसँगै वाहिरका किटाणुहरु आईसियु पुगेका हुन्छन् र त्यसले अति संबेदनशील अवस्थामा रहेको विरामीलाई झन धेरै असर गर्न सक्छ र छिटो मृत्युको मुखमा पुर्याउन सक्छ। यसमा स्वास्थ्यकर्मीले पालना गर्नुपर्ने न्यूनतम शर्तहरु पनि पालना भएका छैनन् भने अस्पताल पनि चुकेको छ।

मान्छेको पीडादायी र विद्रोहपूर्ण मृत्यु मन्त्रीका लागि भिडियो बनाउने विषय हुनसक्छ र? तोसिमाको डाक्टरको लाइसेन्स र योग्यतामाथि पनि प्रश्न उठ्दैन?

www.dcnepal.com

  • साझा परिवेश
  • बिहिबार, माघ १२, २०७९ 0९:२३

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

नेपाल अपडेट