चितुवाको छालासहित पाल्पामा एक व्यक्ति प्रहरी नियन्त्रणमा
साझा परिवेश
मङ्लबार, माघ १७, २०७९ 0८:५९
पाल्पामा चितुवाको छालासहित एक व्यक्ति पक्राउ परेका छन् । जिल्लाको रैनादेवी छहरा गाउपालिका-२ दिगमा रहेको सोमान सिंह खत्रीको घरमा चितुवा बाघको छाला लुकाई छिपाई राखेको अवस्थामा फेला परेको हो ।
ईलाका प्रहरी कार्यालय मुझुङबाट प्रहरी नायव निरीक्षक सहितको प्रहरी गस्ती आज (सोमबार) दिउँसो खत्रीको घरबाट चितुवाको छाला फेला पारेपछि उनलाई नियन्त्रणमा लिएको जिल्ला प्रहरी कार्यालय पाल्पाका प्रवक्ता डिएसपी वीरेन्द्र थापाले बताए ।
थापाका अनुसार चितुवा बाघको मुख देखी पुच्छर सम्मको लम्बाई ६ फिट २ ईन्च, छातीको भागको चौडाई ३ फिट रहेको छ ।चितुवाको छालासहित पक्राउ परेका खत्रीलाई थप अनुसन्धानको लागी सव डिभिजन वन कार्यालय हार्थोक बुझाईएको प्रवक्ता थापाले बताए ।
