November 29, 2023 | बुधबार, मंसिर १३, २०८०
सुचनाहरु
युएई जानुअघि प्रधानमन्त्रीले भेटे राष्ट्रपति मुख्यमन्त्रीद्वारा फेवातालको मापदण्डका लागि समिति गठन किओच दमक बाल अस्पतालमा निरन्तर सेवा विस्तार, ६ बेडको एनआइसियु कक्ष सुचारु माता पाथीभराको दर्शन गर्दै हेर्नुहोस वि.सं. २०८० मंसिर १४ गते बिहिबारकाे राशिफल पर्यटकको आँखामा बस्न सफल बेलुढुङ्गा आर्थिक चुनौतीलाई देखाउँदै आजियाटाले गर्‍यो नेपालबाट बाहिरिने घोषणा रास्वपाले सबै सांसदलाई केन्द्रीय सदस्य बनायो रास्वपाको राजनीतिक दस्तावेज पारित सुनको मूल्य निरन्तर उकालो विद्यार्थीको आम्दानीको भरपर्दो स्रोत बन्दै शेयर बजार भाटभटेनी सुपरमार्केटको कर्पोरेट टावर शुभारम्भ सिरहामा श्रीमान र ससुराद्वारा २ महिलाको हत्या परराष्ट्रमन्त्री विपिन जोशीको लागि कतार जाँदै कोशीको बजेटबाट खर्च कटाउन एमाले र राप्रपाद्वारा प्रस्ताव दर्ता टिकटक पुरै बन्द भएको न भएको बारे २४ घण्टाभित्र जवाफ दिन इन्टरनेट सेवा प्रदायक कम्पनीलाई दूरसञ्चार प्राधिकरणको निर्देशन कैलालीमा कुटाकुट गरेर १ को ज्यान गयो ७ जना पक्राउ यि कुरा घरमै सिकाइयो भने बच्चाले पनि गर्न सक्छ नेतृत्व सर्वोत्तमको आईपीओको लागि १८ हजार ४५ रुपैयाँ चाहिने सुनको भाउको नयाँ रेकर्ड सिस्टममा पावर नपुगेपछि रोकिन पुग्यो सेयर कारोबार

झापामा भुस्सिया कुकुरको आतंक, रेबिज लागेर एक जनाको मृत्यु

  • साझा परिवेश
  • सोमवार, फाल्गुन १, २०७९ 0९:४0
झापामा भुस्सिया कुकुरको आतंक, रेबिज लागेर एक जनाको मृत्यु

झापाको कनकाई नगरपालिका-२ सुकेडाँगीमा भुस्सिया कुकुरको टोकाइबाट एक जना वृद्धको मृत्यु भएको छ । सडक कुकुरको टोकाइबाट स्थानीय ६३ वर्षीय अभिचन्द्र दाहालको मृत्यु भएको हो । दाहालको गत मङ्सिर अन्तिम सातामा कुकुरले टोकेर घाइते बनाएको थियो । सामान्य घाइते बनेका दाहालले घरेलु उपचार गरी घरमै रहेका थिए ।

पछिल्लो समय दाहाल पानी देखेपछि डराउने गर्न थालेपछि मेची प्रादेशिक अस्पताल भद्रपुरमा उपचारका लागि लगिएको स्थानीयको भनाई छ । उपचारमा लैजाँदा अस्पतालले रेबिज भएको बताएको उपचारपछि घरमा रहेको बेला आइतबार आज दिउसो १ बजे दाहालको निजी निवासमा मृत्यु भएको हो ।

यता कनकाई नगरपालिका क्षेत्रमा सामुदायिक कुकुरले बाटो हिडने बटुवा तथा पाल्तु जनावरलाई टोकेर हैरानी दिने गरेको स्थानीय गणेश सुवेदीले बताए । कनकाई नगरपालिकाको ३,४,५,६ र २ नम्बर वार्डमा छाडा छोडिएका सामुदायिक कुकुरले बाटो हिडने बटुवा र कृषकका पालेका जनावरलाई टोकेर घाइते बनाउने र हैरानी दिने गरेको पाइएको छ ।

यता यसबारेमा कनकाई नगरपालिकाका प्रमुख राजेन्द्रकुमार पोखरेलले नगरपालिकाले सामुदायिक कुकुरलाई सोझै मार्न नपाइने कानुनी प्रावधान रहेको बताए । सामुदायिक कुकुर नियन्त्रणका लागि हरेक वर्ष नगरपालिकाले विभिन्न सङ्घसंस्थाको सहकार्यमा सामुदायिक कुकुरको बन्ध्याकरण र रेबिजको भ्याक्सिन लगाउने काम गरिरहेको जानकारी दिए । सामुदायिक कुकुर नियन्त्रणका लागि स्थानीय सङ्घ संस्थाको समन्वयमा कार्यक्रमहरू सञ्चालनको तयारी नगरपालिकाले थालेको समेत नगरप्रमुख पोखरेलले बताए ।

  • साझा परिवेश
  • सोमवार, फाल्गुन १, २०७९ 0९:४0

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।