बैठकमा माओवादीका केन्द्रीय सदस्यहरुले बिचार ब्यक्त गर्ने
साझा परिवेश
बिहिबार, साउन १८, २०८० १0:४५
केन्द्रीय समिति बैठक आज पनि बस्दै
आज केन्द्रीय सदस्यहरूले आफ्नो भनाइ राख्ने
विधान सम्मेलन, सरकारको कामकारबाहीको वियमा छलफल
पहिलो दिन बुधबार अध्यक्ष प्रचण्डले मौखिम प्रतिवेदन पेस गरे
काठमाडौं ।।
नेकपा (माओवादी केन्द्र)को केन्द्रीय समिति बैठक आज पनि बस्दै छ । कमलादिस्थित नेपाल प्रज्ञा प्रतिष्ठानको हलमा बुधबारदेखि सुरु भएको बैठकमा आज पनि केन्द्रीय सदस्यहरूले आफ्नो भनाइ राख्नेछन् ।
बैठक सुरू भएको पहिलो दिन नै १८ जनाले धारणा राखेका थिए । बैठकमा हरेक केन्द्रीय सदस्यलाई पाँच-पाँच मिनेट समय दिइएको छ ।
बैठकमा खासगरी समसामयिक राजनीतिक विषय, विधान सम्मेलन, सरकारको कामकारबाहीको वियमा छलफल भइरहेको छ ।
केन्द्रीय सदस्यहरू, वैकल्पिक केन्द्रीय सदसदस्यहरू, आयोगका पदाधिकारी, प्रदेश पदाधिकारी सहभागी भएको बैठकमा पहिलो दिन बुधबार अध्यक्ष प्रचण्डले मौखिम प्रतिवेदन पेस गरेका थिए ।
