February 25, 2024 | आइतवार, फाल्गुन १३, २०८०
सुचनाहरु
नारायणगढ–मुग्लिन सडक आजदेखि दिउँसो बन्द नहुने बजेटको जोहो नहुँदा शिक्षा पदक अलपत्र लुम्बिनी प्रदेशसभा सदस्य यादव निलम्वित झापामा लागुऔषसहित २ जना पक्राउ क्यानले गर्‍यो भूकम्प पीडितलाई २० लाख सहयोग वडावासीलाई चितवन मेडिकल कलेजको उपचारमा ५० प्रतिशत छुट सरकारी फार्मेसी रित्तो, औषधी किन्न पठाइन्छ निजीमा बढ्दो कोरिया क्रेज श्रम मन्त्रालयको पुनर्संरचना सुरु अमेरिका पुगेका ८ नेपाली स्वदेश फर्काइए अमेरिकामा नायिका रेखा थापाले जन्माइन् छोरी गाँजा र कोदोको रक्सी खुला गर्ने नीति बनाउन सांसद चन्द्र भण्डारीको माग गैरहाजिर भएका १८ जना प्रहरीलाई ७ दिनभित्र उपस्थित हुन निर्देशन सुनको मूल्य घट्यो सात महिनामा ८ अर्बको चिया र कफी निर्यात बैंकको ब्याज एकल अंकमा झार्नुपर्छ : राजेन्द्र लिङ्देन नामिबियासँग नेपाल दुई विकेटले हार्‍यो सीतापाइलामा आमा र दुई छाेरीकाे हत्या, श्रीमान् पनि झुन्डिएकाे अवस्थामा मृत भेटिए लघुवित्त र सहकारी पीडितका प्रतिनिधिसँग प्रधानमन्त्रीले- सरकारले पहल गरिरहेकाे छ, समस्या चाँडै समाधान हुन्छ ‘दयारानी’ हिट भएको सार्वजनिक गर्दै दयाहाङले भने, ‘हामी सम्पूर्णप्रति आभार व्यक्त गर्दछौ’

पीएनजीले यूएईलाई दियो २४७ रनको लक्ष्य

  • साझा परिवेश
  • शुक्रबार, फाल्गुन २६, २०७९ १३:२१
पीएनजीले यूएईलाई दियो २४७ रनको लक्ष्य

काठमाडौं ।

आईसीसी विश्वकप क्रिकेट लिग २ को त्रिदेशीय एकदिवसीय अन्तर्राष्ट्रिय शृंखलामा पपुवा न्युगिनी (पीएनजी)ले यूएईलाई दुई सय ४७ रनको लक्ष्य दिएको छ। त्रिवि क्रिकेट मैदानमा टस हारेर ब्याटिङ थालेको पीएनजीले ९ विकेट गुमाएर गुमाएर दुई सय ४६ रनको योगफल तयार गर्यो।
पीएनजीका शीर्ष तीन ब्याटरले उत्कृष्ट ब्याटिङ गरे पनि अन्य खेलाडीले त्यसलाई निरन्तरता दिँदा विशाल योगफल बनाउन असफल रह्यो। ओपनर किप्लिन डोरिगाले ४४ बलमा आठ चौका र दुई छक्कासहित ५५ रनको अर्धशतकीय इनिङ खेले।

अर्का ओपनर हिरी हिरीले ८५ बलमा पाँच चौका र चार छक्कासहित ७७ रनको अर्को अर्धशतकी इनिङ खेलेका थिए। वान् डाउनमा क्रिजमा उत्रिएका सेसे बाउले एक सय ६बलमा १० चौकासहित अविजित ८१ रनको इनिङ खेले।

अन्य ब्याटरले दोहोरो अंकमा रन बनाउन सकेनन्। यूएईका लागि आयन अफजल खानले १० ओभरमा ३४ रन खर्चेर तीन मेडनसहित सर्वाधिक तीन विकेट लिए। यस्तै, जहुर खाले सात ओभरमा ४९ रन खर्चेर दुई विकेट लिए। जुनेद सिद्धिक्वीले ९ ओभरमा ३९ रन खर्चेर एक मेडनसहित दुई विकेट लिए।

यस्तै रोह मुस्तफा र कार्तिक मेइयाप्पनले एक–एक ब्याटरलाई पेभेलियन फर्काएका थिए।

बिहीबार भएको खेलमा नेपालसँग ५२ रनले पराजित भएको पीएनजी आज पहिलो जितको खोजीमा हुनेछ। यस्तै, एकदिवसीय शृंखला जोगाउन यूएई पनि आजको खेल जित्नै पर्ने दबाबमा छ।

तालिकाको छैटौं स्थानमा रहेको यूएई पाँचौं स्थानको नेपालभन्दा तीन अंकले पछाडि छ। यद्यपि, नेपालले एक खेल बढी खेलेको छ। नेपालले बाँकी तीनै खेलमा जित निकाले शीर्ष तीनमा रहँदै विश्वकपको ग्लोबल छनोटमा सोझै स्थान बनाउने छ।

यूएईले भने बाँकी चारै खेलमा जित निकाले पनि नेट रनरेट निर्णायक बन्ने छ। आजको खेलमा पराजित भए यूएईको शीर्ष तीनमा पुग्ने सम्भावना समाप्त हुनेछ। यस्तै, शीर्ष पाँचमा रहेर एक दिवसीय मान्यता जोगाउन पनि अझै चुनौतीपूर्ण बन्ने छ।

पीएनजी चार खेल मात्र जितेर ९ अंकसहित पुछारमा छ।

  • साझा परिवेश
  • शुक्रबार, फाल्गुन २६, २०७९ १३:२१

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।