April 2, 2023 | आइतवार, चैत्र १९, २०७९
सुचनाहरु
कुशलभ केसीले पाए ‘उत्कृष्ट युवा पत्रकारिता पुरस्कार–२०७९’ सुनसरी क्याम्पस सञ्चालक समितिमा राजु ढकाल निर्वाचित रजनीकान्तको ‘बाबा’ फ्लप भएसँगै साउथ फिल्ममा मेरो करिअर सकियो ः मनिषा कोइराला भूकम्पको धक्का दोलखा, ओखलढुङ्गा, रामेछाप, सिन्धुपाल्चोक, नुवाकोट र काठमाडौँ उपत्यकामा मापदण्ड विपरीत अस्पताल सञ्चालन : हेटौंडा आज देशका यी ठाउँमा पानी पर्ने सम्भावना १५ दिन नपुग्दै उप्कियो कालोपत्रे : कैलाली प्रधानमन्त्री प्रचण्डसमक्ष भक्कानिए मिटरब्याज पीडित :बालुवाटार जनकपुरको घटनाबारे अफवाह फैलाउँदै मुस्लिम आयोग नवनियुक्त मन्त्रीहरुले लिए पद तथा गोपनीयताको शपथ स्वर्णिम वाग्ले रास्वपाबाट तनहुँ १ मा उम्मेदवार बन्ने पक्का पद तथा गोपनीयताको शपथ लिए नवनियुक्त मन्त्रीहरूले इटहरीमा एक युवकमाथि छुरा प्रहार तीन महिनामा धेरै काम भएका छन् तर केहि बेथिति रोकिएको छ : प्रधानमन्त्री १२ जना स्कुल बसका चालकलाई ट्राफिक प्रहरीले गर्यो कारबाही श्रम स्वीकृतिको आवेदन वैशाख १ देखि दिन मिल्ने आपराधिक अभियोगमा अमेरिकी पूर्वराष्ट्रपति ट्रम्पविरुद्ध मुद्दा नवनियुक्त मन्त्रीको दिउँसो ३ बजे शपथको तयारी पहिचानको नाममा हिंसात्मक आन्दोलन, इटहरीका विभिन्न वडा कार्यालयमा तोडफोड, प्रहरीको गाडी पनि फोडियो नागरिक उन्मुक्ति पार्टीले अध्यक्ष रञ्जितालाई मन्त्री बनाउने

फेसबुकमा विज्ञापन दिएर रोजगारीको नाममा भारतको सिलगुडी पुर्‍याएर ठगी गर्ने चार जना पक्राउ

  • साझा परिवेश
  • शनिबार, फाल्गुन २७, २०७९ 0९:३८
फेसबुकमा विज्ञापन दिएर रोजगारीको नाममा भारतको सिलगुडी पुर्‍याएर ठगी गर्ने चार जना पक्राउ

नेपालीहरूलाई आकर्षण रोजगारीको नाममा ठगी गरी भारत लैजाने चार जनालाई प्रहरीले पक्राउ गरेको छ ।  पक्राउ पर्नेहरूमा कैलाली लम्कीका कृष्ण देवकोटा, सङ्खुवासभाका मनिष कार्की, झापा कचनकवलका तीर्थ सिग्देल र सोही ठाउँका रोशन तामाङ रहेको जिल्ला प्रहरी कार्यालय झापाले जनाएको छ ।
प्रहरीले चारै जनालाई बिहीबार बेलुका भद्रपुर विमानस्थल नजिकैबाट पक्राउ गरेको हो । भारतको पश्चिम बंगालस्थित सिलिगुडीमा रहेको ओलाइभ मेनुफेक्चरिङ मार्केटिङ प्रालिमा आकर्षक सेवा सुविधासहित रोजगार पाइने भन्दै उनीहरूले सामाजिक सञ्जालमार्फत विज्ञापन गरी नेपाली युवायुवतीलाई भारत पुर्याउँदै आएका थिए ।
उनीहरूको प्रलोभनमा परी एक महिनाअघि भारतको सिलिगुडी पुगेर त्यहाँबाट भागेर आएका बिर्तामोड ३ की ज्योति राजवंशी र मोरङ बेलबारीका नवीन राजवंशीले आफूहरू ठगीमा परेको भन्दै प्रहरीमा उजुरी दिएको इलाका प्रहरी कार्यालय बिर्तामोडका डीएसपी सुरज कार्कीले जानकारी दिए । उजुरी दिने ज्योति र नवीन नाताले श्रीमानश्रीमती हुन् ।
राजवंशी दम्पतीको सहयोगमा भद्रपुर नाकाबाट भारत लैजान लागेका बर्दियाकी लक्ष्मी चौधरी थारु, मकवानपुर हेटौडा ५ की सीता दराई र पर्सा गढी गाउँपालिकाका अजित तामाङलाई उद्धार गर्न सफल भएको डीएसपी कार्कीले बताए ।
ओलाइभ मेनुफेक्चरिङ मार्केटिङ प्रालिका सञ्चालकहरूले सीता दराईबाट २५ हजार, अजित तामाङबाट २६ हजार, ज्योति राजवंशीबाट २० हजार, नवीन राजवंशीबाट २० हजार, लक्ष्मी चौधरी थारुबाट २५ हजार रुपैयाँ लिएको पीडितहरूले बताएका छन् । आफूहरूलाई महिनाको २५ देखि ३० हजार भारु कमाई हुने प्रलोभन देखाएर लिएर गएको र तालिम शुल्क भन्दै सबैबाट रकम ठगी गरेको पीडित सीता दराईले बताइन् ।
गार्मेन्ट फ्याक्ट्रीको लुगा अनलाइन बिक्री गर्नुपर्छ भनेर आफूहरूलाई लिएर गएको दराईले बताइन् । ‘तालिम भनेर आफूहरूलाई दिसापिसाब गर्न जान नदिने, मोबाइल खोस्ने काम भयो,’ उनले भनिन् ‘राम्रै कमाइ हुन्छ भनेर गइयो पछि बुझ्दै जाँदा आफूहरू ठगिएको थाहा भयो ।’ उनी गत साता मात्र भारत गएकी थिइन् । त्यस्तै अर्को पीडित ज्योति राजवंशीले आफ्नो पैसा ठगेको र काम गरेको पैसा पनि नदिएको गुनासो पोखिन् ।
‘फेसबुकमा आकर्षण विज्ञापन हेरेर गएको बताउँदै उनले भनिन्, ‘अरूजस्तै हामी श्रीमानश्रीमती पनि ठगीमा परेऔँ ।’
पक्राउ पर्नेहरू नेपालका एजेन्ट भएको र उनीहरूको मुख्य नाइके भारतीय नागरिक राहुल शाह भएको बताइएको छ । नेपालबाट जानेहरूलाई बन्धकजस्तै राखेर बिहान ११ देखि बेलुका ५ बजेसम्म तालिम दिने, पुरानोसँग नयाँहरूलाई बोल्न नदिने, मोबाइल खोस्नेजस्ता व्यवहार गरिएको पीडितहरूले भनाई छ । त्यस कम्पनीमा अन्य धेरै नेपालीहरू रहेका छन् । सिलिगुडीको तपन मार्केटमा ५ वटा होस्टेलमा नेपालीहरूलाई राखिएको बताइएको छ । भारतीय प्रहरीको सहयोगमा ठगिएका र फसेका अन्य नेपालीहरूलाई पनि उद्धार गर्ने प्रयास भइरहेको डीएसपी कार्कीले बताए । ‘घटनामा संलग्न अन्य व्यक्तिहरूको पनि खोजी कार्य जारी छ,’ उनले भने, ‘पक्राउ परेकाहरूलाई ठगी सम्बन्धी कसुर मुद्दामा कारबाही अघि बढाउँछौँ ।’

  • साझा परिवेश
  • शनिबार, फाल्गुन २७, २०७९ 0९:३८

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

नेपाल अपडेट