नेपाल पत्रकार महासंघ सुनसरीका अध्यक्ष राईलाई पक्राउ
साझा परिवेश
बिहिबार, चैत्र २, २०७९ १५:0६
विराटनगर ।नेपाल पत्रकार महासंघ सुनसरीका अध्यक्ष जनकऋषी राई पक्राउ परेको छ ।
प्रदेशको नामाकरण विरुद्ध विराटनगरमा आयोजित पहिचानका लागि सडक साहित्यिक यात्रामा सहभागी नेपाल पत्रकार महासंघ सुनसरीका अध्यक्ष राईलाई प्रहरीले पक्राउ गरेको हो ।
कोशी प्रदेश संसद भवन नजिक कविता बाचन सुरु गरेका अध्यक्ष राईलाई प्रहरीले त्यहाँबाट हट्न निर्देशन दिएको थियो । राईले कविता वाचन गर्न थालेपछि उनलाई प्रहरीले पक्राउ गरेको हो ।
महासंघ सुनसरीका अध्यक्ष राईसहित एकजना धरानका पत्रकार सन्जय याख्खा पनि पक्राउ परेका छन् ।
किराँत राई लेखक संघ, किराँत अन्तराष्ट्रिय साँस्कृतिक अभियान, याक्थुङ लेखक संघले आयोजना गरेको सडक साहित्यिक यात्रामा सहभागी हुन विभिन्न जिल्लाबाट साहित्यकारहरु विराटनगर आएका थिए ।
प्रदेशको नामाकरणमा पहिचान मेटाएर कोशी राखिएको विरोधमा किराँत–लिम्बुहरु विरोधका कार्यक्रम गर्दै आएका छन् ।
