June 13, 2024 | बिहिबार, जेष्ठ ३१, २०८१
सुचनाहरु
श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट हावाहुरी र चट्याङसहित पानी पर्ने सम्भावना

फरवार्डले गर्यो रामकुमारीको १२ लाख ऋण मिनाहा

  • साझा परिवेश
  • शुक्रबार, चैत्र ३, २०७९ १७:४१
फरवार्डले गर्यो रामकुमारीको १२ लाख ऋण मिनाहा

रामधुनी । फरवार्ड माइक्रोफाइनान्स लघुवित्त वित्तीय संस्थाले एक ऋणीको १२ लाख कर्जा मिनाहा गरी उल्टै रकम थप गरेर दिएको छ ।
फरवार्डले सुनसरी, रामुधनी नगरपालिका ७ की रामकुमारी धामीले एक वर्षअघि लिएको सम्पूर्ण ऋण मिनाहा गरी उल्टै २० प्रतिशत रकम थपेर दिएको हो ।

जग्गा खरिद गर्न भनी ०७८ कार्तिक २८ गते फरवार्डबाट १२ लाख रुपैंया धितो कर्जा लिएकी धामीको गत पुस २५ गते असामयिक निधन भएको थियो । त्यसबेलासम्म रामकुमारीले १० किस्ता वापतको रकम फरवार्डलाई बुझाएता पनि अरु किस्ता बाँकी थियो ।

नियमित किस्ता बुझाउने, रामकुमारीको निधन हुँदा उनका श्रीमानलाई अब परिवारलाई कसरी पाल्ने चिन्तासँगै ऋण पनि कसरी तिर्ने त्रास थियो । तर, फरवार्डबाट कर्जा लिँदै रामकुमारीको कर्जा बीमा गरिएकोले उनलाई ठूलै राहत मिल्यो ।

मंगलबार फरवार्डका कर्मचारी स्थानीय जनप्रतिनिधि सहित घरमै आएर बाँकी कर्जा मिनाहा गर्दै उल्टै बीमा रकम बुझाउँदा श्रीमान फागुलालले सन्तोषको सास फेरे । फरवार्डले मृतक धामीको घरमै पुगेर श्रीमान फागुलाललाई १२ लाख कर्जाको रु। ११ लाख १ हजार ५६१ रुपैंया मिनाहा गरी त्यसमा २० प्रतिशत बीमा रकम रु। २ लाख १३ हजार २९६ रुपैंया तथा संस्थाबाट थप क्रिया खर्चवापत रु। ६ हजार समेत गरी रु।१३ लाख ७६ हजार ५१ रुपैंया हस्तान्तरण गरेको अनुगमन विभागका प्रमुख आशिशचन्द चौधरीले जानकारी दिए । ‘हामीले कर्जा दिने बेलैमा कर्जा सुरक्षण बीमा गरेका हुन्छौं, कर्जा नतिरी ऋणीको मृत्यु भएमा ऋणीले लिएको सम्पूर्ण कर्जा मिनाहा गरी क्रिया खर्चका रुपमा त्यसमा २० प्रतिशत रकम थप गरी भुक्तानी गर्छौं ।’ अनुगमन विभागका प्रमुख चौधरीले भने ।

उक्त रकम रामधुनी नगरपालिका वडा नं। ७ का वडाध्यक्ष केशब गौतम, फरवार्ड कोशी प्रदेशकी प्रमुख शोभादेवी बरालले हस्तान्तरण गरे । दयनीय आर्थिक अवस्थाकी रामकुमारीको अकस्मात निधन हुँदा पुरै परिवार अब कसरी ऋण तिर्ने चिन्तामा डुबेको थियो । यस्तोमा फरवार्डले कर्जा मिनाहा गर्नुका साथै २० प्रतिशत रकम थप गरेर भुक्तानी गरेकोमा धामीको परिवारलाई ठूलै राहत भएको छ ।

फरवार्ड माइक्रोफाइनान्सले आफ्ना ग्राहक सदस्यहरुको कर्जा सुरक्षणका लागि बीमा गर्ने गर्दछ । कुनैपनि ग्राहकको कर्जा भुक्तान गरिनसक्दै मृत्यु भएमा उक्त ग्राहकको परिवारलाई लिएको कर्जा रकम मिनाहा गरी त्यसमा थप बिमा रकम, क्रिया खर्च सहित भुक्तान गर्ने गरिन्छ ।

महिलाहरुलाई आर्थिक सशक्तिकरण अभियानमा जोड्दै उनीहरुको आर्थिक, समााजिक स्थिती सुधार्न लघुवित्त संस्थाहरुले खेलेको भूमिका अनुकरणीय बनिरहेको छ । लघुवित्त वित्तीय संस्थाहरुले गाउँगाउँ गएर विना धितो सामुहिक जमानीमा कर्जा प्रवाह गर्दै आर्थिक सवलीकरणका अभियानहरु सञ्चालन गर्ने गर्दछन् ।

  • साझा परिवेश
  • शुक्रबार, चैत्र ३, २०७९ १७:४१

प्रतिक्रिया

तपाइको प्रतिक्रिया दिनुहोस्