June 13, 2024 | बिहिबार, जेष्ठ ३१, २०८१
सुचनाहरु
श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट हावाहुरी र चट्याङसहित पानी पर्ने सम्भावना

नेपालीले भारतीय नागरिककी श्रीमती र धनमाल लुटेर गायब, छोराले गरे आत्महत्या

  • साझा परिवेश
  • आइतवार, चैत्र ५, २०७९ १४:५४
नेपालीले भारतीय नागरिककी श्रीमती र धनमाल लुटेर गायब, छोराले गरे आत्महत्या

कैलाली । नेपालीका कारण एक भारतीय नागरिकको परिवार बिचल्लीमा परेको छ । नेपालीले भारतीय नागरिककी श्रीमतीसहित धनमाल गायब पारेपछि भारतको हैदराबादका कुलदीप सिंहको परिवार अहिले विक्षिप्त अवस्थामा छ । नेपाली नागरिकले आमाको अश्लील भिडियो पठाएपछि कुलदीपका जेठा छोराले आत्महत्या समेत गरेका छन् । हालसम्म गुमनाम रहेका उनीहरुको खोजीकार्यमा सहयोग गरिदिन भारतीय परिवारले हारगुहार गरिरहेको छ ।

दैलेखको दुल्लु नगरपालिका वडा नम्बर ८ का चेतन सिंह कामको खाजीमा गत कार्तिक महिनामा हैदराबाद पुगेका थिए । उनलाई त्यहाँका व्यापारी कुलदीप सिंहले मासिक २१ हजार भाडा तिर्ने गरी आफ्नै पसल अघि राखेको ठेला भाडामा दिए । चेतनले त्यहाँ फास्ट फुडको व्यापार गर्थे । उनले लगातार ३ महिना सम्म ठेला चलाए । तर व्यापार राम्रो नभएको भन्दै चेतनले कुलदीपलाई मासिक भाडा दिएनन् । केही दिन नेपाल आउने र फर्केपछि भाडा दिने बताएका थिए ।

 

त्यही बिचमा कुलदीप काम बिशेषले राजस्थान गए । त्यही मौका छोपी कुलदीपकी ३८ वर्षीया श्रीमती कविता काबिया, २ थान ल्यापटप, करिब १८ लाख नगद भरतीय रुपैयाँ र ६० तोला सुन सहित चेतन पनि बेपत्ता छन् । यो घटनाले भारतीय परिवारका बज्रपात निम्तीएको छ । चेतनले आमा अश्लील भिडियो पठाए पछि कुलदीपमा २२ वर्षिय जेठा छोराले आत्महत्या गरेका छन् । उनका अर्का छोराले आत्महत्याको प्रयास गरेका छन् । उनकी सात वर्षिया छोरी आमाको बियोगमा प्रदाडित भएकी छन् भने कुल्दीप अस्पताल भर्ना भएका छन् ।

 

केही महिना अघिसम्म चेतनले फेसबुक म्यासेज मार्फत भारतीय सिंह परिवारलाई धम्की दिने, असभ्य र अश्लील गाली गर्ने तथा आत्महत्या दुरुत्साहन गर्ने काम गर्दै आएका थिए । उनले कविता काबियालाई कुटपिट गरेको तथा चोटपटक लागेको फोटो समेत पठाउने गरेका थिए ।

अहिले चेतन कहाँ छन र काबियाको अवस्था के छ भन्ने बारे कुनै जानकारी छैन । काबिया तथा चेतनलाई सम्पर्कमा आउन भनी भारतीय सिंह परिवारले बारम्बार आग्रह गर्दै आएको छ ।

अहिले चेतन नेपालमा लुकेर बसेको पीडितको दाबी छ । यता प्रहरीले भने मौखिक जानकारी आए पनि लिखित निवेदन नआएको बताएको छ । आफुहरु चेतनको घरमा बारम्बार जाँदा पनि फेला पार्न नसकेको र इन्टरपोल तथा एम्बेसीमार्फत पीडितको निवेदन आएमा प्रहरीलाई अन्तरजिल्लाको खोजी कार्यमा सहज हुने दैलेख प्रहरी प्रमुख प्रहरी नायव उपरीक्षक किशोर लम्सालको भनाई छ । उता भारतीय प्रहरीले पनि उनीहरुको खोजी कार्य तीव्र पारेको छ ।

  • साझा परिवेश
  • आइतवार, चैत्र ५, २०७९ १४:५४

प्रतिक्रिया

तपाइको प्रतिक्रिया दिनुहोस्