May 18, 2025 | आइतवार, जेष्ठ ६, २०८२
सुचनाहरु
जम्मू–कश्मीरमा फेरि सुनिन थाल्यो गोली र विस्फोटका आवाज    चिनिया दुतावासले दियो आफ्ना नागरीलाई भारत सिमा नाकामा नजान चेतावनी  बिल गेट्सले आफ्नो सबै सम्पत्ति २० बर्ष भित्र दान दिदै भारत पाकिस्तान युद्ध प्रभाव: नागरिक सेवाका लागि भारतका २४ विमानस्थल बन्द  रिसोर्टमा चिप्लिएर लडेका रहेछन् प्रचण्ड  १५ लाख भारतिय रुपैयाँ बोकेका डम्बर झापाबाट पक्राउ  बलिउड अभिनेता परेश रावलले किन पिए आफ्नै पिसाव? भारत पाकिस्तानको तनावले नेपालको सीमा क्षेत्रमा उच्च सतर्कता  बाल मन्दिरको जग्गा प्रकरणमा १७ जनाविरुद्ध मुद्दा दर्ता भारतले सुरु गर्‍यो पाकिस्तान विरुद्ध युद्ध, कडा जवाफ दिदै पाकिस्तान आफ्नो इच्छाले अमेरिका छाेडे एक हजार डलर पाइने प्रिसाको आयो पोष्टमार्टम रिपोर्ट, तर खुल्न सकेन कारण  जन्ती पुर्याएर फर्किदै गरेको बस नदीले बगायो अभिनेता राज कटुवाल एक्सन हिरोको रूपमा देखिदैछन्  नरसिंहामा आज सीता जयन्ती: राजा जनकले खेत जोत्ने क्रममा सीता उत्पत्ति भएको दिन को रवीन्द्र मिश्र र दुर्गा प्रसाईलाई थप ५ दिन हिरासतमा राख्ने पाकिस्तानी महिलासँग विवाह गरेका भारतीय सैनिक बर्खास्त ७३ वर्षीया वृद्धाले पनि दिइन् कक्षा १२ को परीक्षा भाटभटेनीमा चुरोट र रक्सी चोर्ने ६ जनाले हिरासतबाटै दिए कक्षा १२ को परीक्षा अबदेखी केआइआइटीमा विद्यार्थी पठाउन बन्द गर्न राष्ट्रियसभा सदश्यको माग 

अंग्रेजी नजान्नेलाई सहज बन्दै इन्टरनेट, एक अर्ब प्रयोगकर्ता थपिँदै

  • साझा परिवेश
  • बुधबार, चैत्र ८, २०७९ १0:२२
अंग्रेजी नजान्नेलाई सहज बन्दै इन्टरनेट, एक अर्ब प्रयोगकर्ता थपिँदै

विश्वमा अहिले इन्टरनेट प्रयोगकर्ताको संख्या करिब पाँच अर्ब छ । थप कम्तिमा एक अर्ब मानिसहरू आगामी समयमा इन्टरनेटमा जोडिने विश्वास छ । र, आगामी दिनहरुमा इन्टरनेटमा जोडिनेमध्ये अधिकांश प्रयोगकर्ता ती देशका हुनेछन् जहाँ अंग्रेजी बोलिँदैन/लेखिँदैन ।

डिजिटल विश्व तथा सोसल मिडियाको यो जमानामा हरेकजसो मानिस अहिले इन्टरनेटमा सक्रिय छ । पहिले इन्टरनेटको प्रयोग गर्नका लागि अंग्रेजी भाषा जान्नु आवश्यक हुन्थ्यो । तर अहिले परिभाषा बदलिएको छ । इन्टरनेट अहिले बहुभाषी बनिरहेको छ । अर्थात् अंग्रेजीसँगै अन्य भाषाहरुमा पनि इन्टरनेटको प्रयोग तीव्र गतिमा बढिरहेको छ । विज्ञहरुका अनुसार आगामी दिनमा इन्टरनेटमा जोडिने एक अर्ब प्रयोगकर्ताहरु गैरअंग्रेजी भाषी हुनेछन् ।

बहुभाषी इन्टरनेट जगतको पैरवी गर्ने संस्था Universal Acceptance Steering Group का सदस्य सुशान्त सिंहका अनुसार इन्टरनेटमा आगामी दिनमा जोडिने एक अर्ब नयाँ प्रयोगकर्ताहरु अंग्रेजी बाहेकका अन्य भाषाहरुमा बोल्ने वा लेख्ने प्रयोगकर्ता हुनेछन् । त्यसैले व्यक्ति तथा संगठनहरुका लागि अधिक समावेशी तथा बहुभाषी अनलाइन प्लाटर्फम विकशित गर्ने आवश्यकतामा ध्यान केन्द्रित गर्नु पर्ने उनको भनाइ छ ।

Internet Corporation for Assigned Names and Numbers तथा Universal Acceptance Steering Group गरी २ संस्थाहरु इन्टरनेटलाई अधिक एकीकृत बनाउनका लागि काम गरिरहेका छन् जसले धेरै भाषा तथा लिपी सपोर्ट गर्दछ ।

यो उद्देश्यको पहिलो कदमचाहिं इन्टरनेटको सार्वभौमिक स्वीकृति अर्थात् युनिभर्सल एक्सेप्टेन्स हो ।

सार्वभौमिक स्वीकृत दिवस

सबै बैध डोमेन नेम तथा इमेल ठेगानाहरु सबै खालका इन्टरनेट एप्लिकेसन, डिभाइस तथा सिस्टमले उपयोग गर्न सक्ने कुराको सुनिश्चितता गराउनु अहिलेको सबैभन्दा महत्वपूर्ण प्रविधि आवश्यकता हो ।

उल्लेखित २ संस्थाहरुले विश्व इन्टरनेट समुदायसँग यो विषयमा पैरवी गर्दै आगामी २८ मार्चमा सार्वभौमिक स्वीकृति दिवस अर्थात् युनिभर्सल एक्सेप्टेन्स दिवस मनाउँदै छन् । यो दिवसका अवसरमा विश्वका ४० देशमा विभिन्न कार्यक्रमको आयोजना हुने बताइएको छ ।

Universal Acceptnce ले हरेक इन्टरनेट प्रयोगकर्तालाई आफ्नो रुची, व्यवसाय, संस्कृति, भाषा तथा लिपीसँग मिल्ने र आफुले रोजेको डोमेन नेम अनि इमेल एड्रेस प्रयोग गरेर इन्टरनेट प्रयोग गर्ने सक्षमता प्रदान गर्ने विज्ञहरु बताउँछन् ।

अंग्रेजी भाषा प्रयोगकर्ता एक तिहाइ मात्रै

तथ्यांक अनुसार हाल विश्वको कुल जनसंख्याको केवल एक तिहाइले मात्रै ल्याटिन अक्षरको प्रयोग गर्दछन् । जबकि अरु अरबौं मानिसहरुले चिनियाँ, अरबी, सिरिलिन, देवनागरिकलगायतका विभिन्न भाषामा पढ्न तथा लेख्न मन पराउँछन् । यसको अर्थ के भने इन्टरनेट पूर्णरुपमा बहुभाषी नहुँदा यतिधेरै मानिसले इन्टरनेटको पूरा फाइदा लिन सकिरहेका छैनन् । उनीहरु आफ्नै भाषामा तथा लिपीमा डोमेन नेम वा इमेल ठेगानाको प्रयोग गर्न असमर्थ छन् ।

एजेन्सी

  • साझा परिवेश
  • बुधबार, चैत्र ८, २०७९ १0:२२

प्रतिक्रिया

तपाइको प्रतिक्रिया दिनुहोस्

नेपाल अपडेट