June 18, 2024 | मङ्लबार, असार ४, २०८१
सुचनाहरु
गौरादह २ को वडास्तरीय सार्वजनिक सुनुवाइ कार्यक्रम सम्पन्न श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट

यादवको शव तीन महिनादेखि दुबईको अस्पतालमा

  • साझा परिवेश
  • सोमवार, चैत्र १३, २०७९ १४:५४
यादवको शव तीन महिनादेखि दुबईको अस्पतालमा

काठमाडौँ । सिरहाका सन्तोष कुमार यादवको शव तीन महिनादेखि दुबईको अस्पतालमा अलपत्र परेको छ ।

गत पुस २२ गते निधन भएका यादवको शव अझै नेपाल ल्याउन सकिएको नसकिएको हो ।

शव नेपाल ल्याउनका लागि पहल गरिदिन मृतकको परिवारले विभिन्न निकायमा अनुरोध गर्दै आएको छ । तर, अहिलेसम्म कुनै निकास निस्किएको छैन ।

सिरहाको धनगढीमाई नगरपालिका कट्टीटोलका २७ वर्षीय सन्तोष २०७८ साल कार्तिकमा ामाखुशीमा रहेको न्यू लाइट इन्टरनेशलमार्फत दुबई गएका थिए । उनलाई बर्दिबास महोत्तरीका शम्भु ठाकुरले भिजिट भिसामा दुबई लैजाने प्रबन्ध मिलाएका थिए । दुबई पुगेर सुप्रिमो हस्पिटालिटी सर्भिसमा कार वासिङको काम गर्दै आएका थिए । काम गर्दै गर्दा एकाएक बेहोस भएर ढलेका थिए । त्यसपछि उनलाई अस्पताल लगिएको थियो । केही दिनको उपचारपछि निको भएर काममा पनि फर्किए ।

मृतकका आफन्त धिरेन्द्र यादवका अनुसार उपचार गरेर केही दिन रेस्ट गरेर पुनः काममा फर्किए । तर, काम गर्दा गर्दै पुनः ढले । त्यसपछि अस्पताल लैजाँदा उनको मस्तिष्कमा पानी जमेकाले अप्रेसन गर्नुपर्ने भनियो । कम्पनीले घर परिवारलाई कुनै जानकारी अप्रेसनका लागि गर्नुपर्ने एग्रिमेन्ट पेपरमा हस्ताक्षर गरेको धिरेन्द्रको भनाई छ ।

अप्रेसन गरेको केही दिनपछि उनी अलि–अलि बोल्न थाले । तर, अप्रेसन गरेको चौथो दिनमा उनको मृत्यु भयो । के कति कारणले मृत्यु भयो केही पनि जानकारी नदिइएको परिवारको भनाई छ ।

‘प्रहरी र अस्पताल कहीँ कतैबाट पनि केही जानकारी दिइएको छैन । अप्रेसन गरेर निको भएको व्यक्तिको एकाएक मृत्यु भयो भनियो,’ धिरेन्द्रले भने ।

मृत्यु भएपछि उनको शव नेपाल ल्याउनका लागि घर परिवारले धेरै निकाय धाए । दुई महिना अगाडि वैदेशिक रोजगार विभागमा उजुरी दिएका थिए । त्यसपछि १६ फागुन २०७९ मा कन्सुलर सेवा विभागमा समेत उजुरी दिएका थिए । तर, अहिलेसम्म शव नेपाल ल्याउन नसकिएको धिरेन्द्रको भनाई छ ।

ऋण तिर्न ऋण लिएर विदेश

२०७७ सालमा सन्तोषको बहिनीको बिहे भएको थियो । उनले ऋण लिएर बहिनीको बिहे गराएका थिए । बहिनीको बिहेका लागि निकालेको ऋण तिर्न भनेर उनले विदेशिने सोच बनाए । त्यसका लागि उनले गाउँबाटै २ लाख ३० हजार थप ऋण निकाले । त्यो पनि सयकडा ३ रुपैयाँका दरले ब्याज तिर्ने गरी ।

बर्दिबासका एजेन्ट शम्भुले भिजिट भिसामार्फत दुबई पठाइदिने आश्वासन दिए । त्यसका लागि १ लाख ८४ हजार रुपैयाँ खर्च लाग्ने भनियो । एजेन्टलाई १ लाख ८४ हजार रुपैयाँ बुझाए । र कोरोनाकालमा उनलाई भिजिट भिसामार्फत दुबई पठाइयो ।

दुबईमा केही महिना काम नै नपाएर बेरोजगार भएर बसे । पछि उनलाई कार वासिङको काममा लगाइयो । काम गर्दै गर्दा उनले घरमा अलि अलि खर्च पठाउन थालिसकेका थिए । तर, उनले न बहिनीको बिहेमा लागेको ऋण तिर्न सके न त विदेश जानको लागि खोजेको ऋणको ब्याज नै तिर्न सके ।

उनको घरमा अहिले सानो भाइ र आमा बुबा छन् । उनका आमाबुबालाई एकातिर छोराको मृत्युले पीडा दिएको छ भने अर्कोतिर साहूको ऋण कसरी तिर्ने भन्ने चिन्ताले सताएको छ ।

यता कन्सुलर सेवा विभागले दुबईमा यसबारे अनुसन्धान भइरहेकाले शव नेपाल ल्याउन ढिलाइ भइरहेको जनाएको छ । दुबई प्रहरीले अनुसन्धान गरिरहेको र त्यो अनुसन्धान नसकी नेपाल ल्याउन नसकिने विभागको भनाई छ ।

  • साझा परिवेश
  • सोमवार, चैत्र १३, २०७९ १४:५४

प्रतिक्रिया

तपाइको प्रतिक्रिया दिनुहोस्