सुनसरी । नेपाल रेडक्रस सोसाइटीले भोक्राहा नरसिंह वडा नम्बर ८ सोनयाहीका अग्नी पीडितलाई राहत प्रदान गरेको छ।
आइतबार भएको आगलागीबाट विस्थापित भएका ५ परिवारलाई नेपाल रेडक्रस सोसाइटी भोक्राहा नरसिंह उपशाखाले पीडितहरूलाई बन्दोवस्तीका सामान प्रदान गरेको थियो ।
आगलागीमा परेर भोक्राहा नरसिंह वडा नम्बर ८ (सोनियाही) का खुर्शिद अंसारी,फराहान अंसारी,हनिमन असारी , समिद मियाँ र इर्फान अलीको घर सहित उनीहरूको घरमा भएको खाद्यान्न सामग्री, लत्ताकपडा, गरगहना र एक थान मोटरसाइल सहित झन्डै ३५ लाख बराबरको क्षति भएको थियोे ।अग्नि पीडितलाई छुट्टाछुट्टै एक थान त्रिपाल, दुई थान कम्वल, एक थान म्याट्रेस, एक सेट भाँडा, ३.५ मिटर सर्ट कपडा, एक थान साडी, सात मिटर प्रिन्ट कपडा, दुई मिटर सादा कपडा, चार मिटर सटकपडा र एक सेट बकेट प्रदान गरिएको नेपाल रेडक्रस सोसाईटी भोक्राहा नरसिंह उपशाखा सभापति
युवराज दाहालले जानकारी दिए ।
पीडित परिवारलाई नेपाल रेडक्रस सोसाइटी भोक्राहा नरसिंह उपशाखाका सभापति युवराज दाहाल र सचिव रामकुमार मेहता, पवन मेहता लगायतका टीम सहित पालिका अध्यक्ष अजमल अख्तर आजाद, उपाध्यक्ष सुनिता कुमारी उराँव , नेपाली कांग्रेस सुनसरी जिल्ला सदस्य सुनिल साह, जसपा नेपालकि केन्द्रीय सदस्यीय हंशा साह, जसपा नेपाल भोक्राहा नरसिंह गाउँपालिका अध्यक्ष महिन्द्र यादव सहितका टीमले अग्नि पीडितको घरमै पुगेर रेडक्रसको तर्फबाट राहत वितरण गरेका हुन् ।
