June 18, 2024 | मङ्लबार, असार ४, २०८१
सुचनाहरु
गौरादह २ को वडास्तरीय सार्वजनिक सुनुवाइ कार्यक्रम सम्पन्न श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट

कांग्रेसबाहेकका ७ दलका मन्त्री तय, कसलाई कुन मन्त्रालय ?

  • साझा परिवेश
  • शुक्रबार, चैत्र १७, २०७९ १२:५५
कांग्रेसबाहेकका ७ दलका मन्त्री तय, कसलाई कुन मन्त्रालय ?

काठमाडौं । प्रधानमन्त्री पुष्पकमल दाहाल ‘प्रचण्ड’ ले आज सरकारलाई पूर्णता दिने तयारी गरेका छन् । गठबन्धन दलमा मन्त्रालयको सहमति जुटेपछि आजै ३ बजे मन्त्रीहरुको शपथ गराउने प्रधानमन्त्री प्रचण्डको तयारी छ ।

प्रधानमन्त्रीले दलहरूसँग एक बजेसम्म मन्त्रीको नाम मागेका छन् । गठबन्धनका दलहरूले यसअघि मन्त्रीको भागबन्डा टुंग्याइसकेका छन् ।

सरकारमा सहभागी हुने ९ दलमा कांग्रेस ८, माओवादीलाई प्रधानमन्त्रीसहित ५, नेकपा एस २, जसपालाई २, जनमतलाई एक राज्यमन्त्रीसहित २, लोसपा १, उन्मुक्तिलाई १, आम जनता पार्टीलाई १ र नेसपालाई १ मन्त्रालय दिने सहमति भइसकेको छ ।

अहिलेसम्म २ मन्त्रालय पाएको नेकपा एकीकृत समाजवादी पार्टीबाट भौतिक पूर्वाधारमा प्रकाश ज्वाला र कृषि मन्त्रालयमा बेदुराम भुसाल जाने निश्चित भएको पार्टीनिकट स्रोतले बतायो ।

लोसपाका शरदसिं भण्डारी श्रम तथा रोजगार मन्त्री बन्ने भएको छन् । जसपाले शिक्षा र वन मन्त्रालय पाएको अध्यक्ष उपेन्द्र यादवले बताए । मन्त्रीमा एकजना अशोक राई टुंगो लागेको छ ।

यसअघि भौतिकमा रहेका नारायणकाजी श्रेष्ठलाई गृह पठाउने तयारी छ । कांग्रेसले रक्षा, अर्थसहितको मन्त्रालय पाउने निश्चित भइसकेको छ । उपसभापति पूर्णबहादुर खड्काको नेतृत्वमा कांग्रेसबाट ८ जना मन्त्री बन्नेछन् ।

कांग्रेसबाट उपसभापति धनराज गुरुङ, एनपी साउद, सीता गुरुङ, डिगबहादुर लिम्बू, मोहनबहादुर बस्नेत लगायतको नाम मन्त्री बन्नेको सूचीमा छ। तर, अहिले पनि मन्त्रीबारे छलफल गर्नका लागि नेताहरुको बैठक बसिरहेको देउवा निकट नेता मीनबहादुर विश्वकर्माले बताए ।

उनले भने, ‘केही बाहिर चर्चामा आएकै नाम हुन् । तर, अहिलेसम्म टुंगिएको छैन । त्यसबारे अहिले शीर्ष नेताहरूबीच छलफल भइरहेको छ । टुंगिएको छैन ।’

यस्तै, नेसपाबाट महिन्द्र राय यादव सरकारमा जाँदैछन् । उनको खानेपानी मन्त्रालयको सम्भावना छ । तर, नटुंगिएको नेता यादवले बताए ।

यस्तै, नागरिक उन्मुक्तिकी अध्यक्ष रञ्जिता श्रेष्ठ आफैं सरकारमा जाँदैछिन् । उनी भूमि मन्त्रालयको जिम्मेवारी लिएर सरकारमा सहभागी हुन लागेको बताइन् ।

यस्तै, आमजनता पार्टीका अध्यक्ष प्रभु साह पनि मन्त्री बन्दैछन् । तर, अहिलेसम्म प्रधानमन्त्रीले कुन मन्त्रालय भनेर आफूलाई जानकारी नगराएको उनले बताए ।

  • साझा परिवेश
  • शुक्रबार, चैत्र १७, २०७९ १२:५५

प्रतिक्रिया

तपाइको प्रतिक्रिया दिनुहोस्