एमाले प्रमुख सचेतकको प्रश्न : सरकार कसका लागि बनेको हो ?
साझा परिवेश
सोमवार, चैत्र २७, २०७९ १४:५0
काठमाडौं । प्रतिपक्षी दल नेकपा (एमाले)को प्रमुख सचेतक पदम गिरीले सरकार कसको निम्ति बनेको हो भन्दै प्रश्न गरेका छन् । आजको प्रतिनिधिसभा बैठकमा उनले यस्तो प्रश्न गरेका हुन् ।
“बैंकमा लगानीयोग्य पुँजी दुई खर्बभन्दा बढी छ । तर, हामीलाई ऋण चाहियो भनेर कोही जान सक्ने स्थिति छैन,” उनले भने, “ब्याज तिरेर व्यवसाय धान्न सक्ने स्थिति छैन । यसतर्फ सरकारले के हेरेर बसेको छ ? यो सरकार कसका निम्ति बनेको हो ?”
पैसा नभएको बहानामा कृषि मल वृद्धि गर्न लागेको र किसानलाई गुमराहमा राखेको बताए । सरकारका मान्छे विचौलियासँग जोडिएकाले कृषि उपजले उचित मूल्य नपाएको समेत दाबी गरे ।
उनले अर्थतन्त्रको अवस्था बिग्रिएको भनेर उपप्रधानमन्त्रीले बाहिर बोलको भन्दै अर्थमन्त्रीले संसद्मा किन नबोलेको भन्ने प्रश्न गरे ।
