July 22, 2024 | सोमवार, साउन ७, २०८१
सुचनाहरु
सुनको मूल्य बढ्यो , कति पुग्यो त तोलाको ? रविमाथि विनोद चौधरीको टिप्पणी- छानविनको घेरामा रहेको व्यक्तिले संसदमा स्टन्ट गरे आज प्रतिनिधि सभाको बैठक बस्दै, प्रधानमन्त्रीसँग प्रश्नोत्तरको कार्यसूची परराष्ट्र सचिव लम्साल आज चीन जाने ग्लोबल टी–२० लिग खेल्न सन्दीप क्यानडा प्रस्थान डेढ लाख घुससहित बिपी कोइराला क्यान्सर अस्पतालकी अधिकृत अख्तियारको नियन्त्रणमा पूर्व राज्यमन्त्री रायको हत्या बलिङ नचल्दा पाकिस्तानसँग नेपाल पराजित आज साउनको पहिलो सोमबार न्यूरोडमा पैदलमार्ग विस्तार गर्दा मेयर शाहले भ्रम फैलाएको स्थानीयको आरोप आज गुरुपूर्णिमा मनाइँदै सिमलताल बस दुर्घटना : बेपत्ता यात्रु र बसको खोजी गर्न भारतीय टोली आइपुग्यो रास्वपाको संसदीय दलको बैठक बस्दै भिसा प्रकरणमा उपसभामुख रानामगरले आर्थिक लेनदेन गरेको भेटिएन – रास्वपा महिला एसिया कप : आज नेपाल र पाकिस्तान तथा भारत र यूएईबीच प्रतिस्पर्धा गृहमन्त्री लेखक र अमेरिकी राजदूतबीच भेटवार्ता एसिया कप महिला क्रिकेटमा नेपाल र युएई भिड्दै तोलामा २ हजार रुपैयाँ घट्यो सुनको मूल्य प्रधानमन्त्रीको प्रमुख राजनीतिक सल्लाहकारमा विष्णु रिमाल संसद भवन निर्माणको ढिलाइबारे सभामुखको असन्तुष्टि

अवसर दिए निजी क्षेत्रले समुन्नति ल्याउन सक्छः अध्यक्ष गोल्छा

  • साझा परिवेश
  • मङ्लबार, चैत्र २८, २०७९ १५:१२
अवसर दिए निजी क्षेत्रले समुन्नति ल्याउन सक्छः अध्यक्ष गोल्छा

काठमाडौं। नेपाल उद्योग वाणिज्य महासंघका अध्यक्ष शेखर गोल्छाले सरकारले अवसर दिए निजी क्षेत्रले  मुलुकमा समुन्नति ल्याउने बताउनुभएको छ।
मंगलबार महासंघको ५७ औं वार्षिक साधारणसभा उद्घाटन कार्यक्रममा बोल्दै अध्यक्ष गोल्छाले यस्तो बताउनुभएको हो ।

उहाँले उद्योगी तथा व्यवसायीबीचको सहकार्य सर्वसाधारण र सरकारको समुन्नतिका लागि हुनुपर्ने बताउनुभयो। उहाँले पछिल्लो समय अर्थतन्त्रमा
देखिएको निराशा लामो समय नरहने बताउनुभयो। उहाँले तत्कालका लागि व्यवसायमा कठिन भए पनि व्यवसायीले नै मुलुकमा समुन्नति कोर्ने दाबी गर्नुभयो।

उहाँले व्यवसायीको अनुकुलतालाई प्रतिकुलतामा बदल्ने गर्विलो इतिहास रहेको भन्दै अर्थतन्त्रमा देखिएको निराशा कम हुँदै जाने बताउनुभयो।
उहाँले विभिन्न देशमा भएको अर्थतन्त्रको उदाहरण दिँदै नेपालले पनि अर्थतन्त्रको क्षेत्रमा सुधार गर्न सक्ने बताउनुभयो।

उहाँले भन्नुभयो,‘‘अर्थतन्त्रमा अहिले निराशा छ, यो हटेर जान्छ। अहिले लागत बढेको छ तर सधैँ अक्सर टाढा रहने छैन। अहिले व्यवसायी कठिन छ।
तर सम्मुन्नतिको बाटो हामीले नै कोर्ने छौं। यो मेरो कल्पना मात्रै होइन। विगतमा हामीले पुष्टि गरेर देखाएका छौं। व्यवसायीको अनकुलतालाई
प्रतिकुलतामा बदलेको गर्विलो इतिहास हामीसँग छ।’’

अध्यक्ष गोल्छाले नेपाल जस्तै मुलुक बंगलादेशमा सन् २०१० यता निर्यात १८ अर्बबाट ४० अर्ब पुर्‍याउन र ३० वर्षअघि एक सय दिनको अवधिमा
आठ लाख मानिस गुमाएको रुवाण्डाको २० वर्ष यताको वार्षिक आर्थिक वृद्धिदर औसत ८ प्रतिशत गर्नसकेको र नेपालले पनि गर्नसक्ने बताउनुभयो।

उहाँले महासंघ सरकारविरुद्ध आान्दोलित हुन संगठित नभएको भन्दै जनताको जीवनस्तर उठाउन काम गरिने बताउनुभयो। उहाँले अब महासंघको
नेतृत्व काविल हातको जिम्मा लगाउन लागेको बताउनुभयो। उहाँले महासंघको जिम्मेवारी वहन गर्ने हातहरुले सहजतापूर्वक काम गर्नका लागि सरकारले
वातावरण सिर्जना गरिदिनुपर्ने बताउनुभयो।

उहाँले आफैँले सिर्जना गरेको अर्थतन्त्रको समस्या सुधार गर्नुपर्ने अवस्था आएको बताउनुभयो। उहाँले नेपालको आर्थिक गतिविधि डेढ वर्ष अघिको
अवस्थामा ५० प्रतिशले घटेको बताउनुभयो। उहाँले वर्तमान समस्यालाई अर्थ मन्त्रालय र राष्ट्र बैंकले पनि बुझ्नुपर्ने र अवस्था परिवर्तनका लागि काम गर्न सुझाव दिनुभयो।

  • साझा परिवेश
  • मङ्लबार, चैत्र २८, २०७९ १५:१२

प्रतिक्रिया

तपाइको प्रतिक्रिया दिनुहोस्