रोल्पामा प्रहरीद्वारा ठूलो परिणाममा अफिम खेती नष्ट

रोल्पा । रोल्पामा प्रहरीले ठूलो परिणाममा खेती गरिएको अफिम नष्ट गरेको छ।
रोल्पा प्रहरी प्रमुख डिएसपी श्यामकुमार सारु मगरको नेतृत्वमा गएको प्रहरी टोलिले रोल्पाको परिवर्तन
गाउँपालिकाको बिभिन्न स्थानहरुमा अवैध रुपमा खेती गर्दै आएको अफिम नष्ट गरेको हो।

उक्त ठाँउहरुमा अबैध रूपमा अफिम खेती भैरहेको भन्ने गोप्य सूचना प्राप्त भए बमोजिम उक्त ठाँउहरुमा पुगि
करिब २८ रोपनी क्षेत्रफलको जमिनमा अबैध रूपमा खेती गर्दैआएको अफिम खेती नष्ट गरेको बताइएको छ।

प्रहरी प्रमुख सारु मगरका अनुसार प्रहरीले परिवर्तन गाउँपालिकाको वडा नं. ४ स्थित खोलागाउँ, तारल, बसुन्धरा भन्ने
स्थानका करिब २० रोपनी क्षेत्रफलको पाखोबारीमा लगाएको करिब १८ हजार बोट अवैध अफिम खेती फडानी गरी नष्ट गरेको हो।

यसैगरी प्रहरीले वडा नं. ४ कै जैरेनी, तातापानी भन्ने स्थानको पाखोबारी र सोही गाउँपालिकाको वडा नं. ५ को बजेनी भन्ने
स्थानको जंगल बिचमा गोठहरु रहेको करिब ८ रोपनी जमिनमा खेती गरिएको करिब ७ हजार ५ सय बोट अवैध अफिम खेती फडानी गरी नष्ट गरिएको छ ।

प्रहरीका अनुसार जिल्लाका अन्य विकट ठाँउहरुम पनि लागु औषध अफिम तथा गाजाको खेती भएको हुन सक्ने भएकाले
खोजी कार्य तथा अनुसन्धान भैरहेको र पाइएमा तत्काल नष्ट गरि कानुन बमोजिम कार्बाही गरिने बताए ।

यसैगरी लागू औषध बिक्रीवितरण तथा ओसारपसार कार्य लाई रोक्न कडाइका साथ जिल्लाभर प्रहरी परिचालन गरिएको छ।

तथ्यांक अनुसार रोल्पा गाँजा, चरेस, अफिम उत्पादन हुने जिल्ला मात्र नभइ छिमेकी जिल्ला रुकुम र बाग्लुङका लागू औषध ओसारपसार हुने नाकाको रूपमा समेत चिनिन्छ ।

• संसद विघटन