June 13, 2024 | बिहिबार, जेष्ठ ३१, २०८१
सुचनाहरु
श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट हावाहुरी र चट्याङसहित पानी पर्ने सम्भावना

ओशो महोत्सव नयाँ वर्षमा

  • साझा परिवेश
  • बिहिबार, चैत्र ३०, २०७९ ११:२७
ओशो महोत्सव नयाँ वर्षमा

काठमाडौं ।  मानिसलाई तनावमुक्त बनाउन ओशो तपोवनको प्रस्तुति र ओम नेपाल मिडियाको आयोजनामा ओशो महोत्सव हुने भएको छ। कार्यक्रमका प्रमुख संयोजक भवन भट्टका अनुसार नयाँ वर्ष २०८० को पहिलो दिन वैशाख १ गते काठमाडौंको टुँडिखेलमा ओशो महोत्सव हुने भएको हो। महोत्सवमा ध्यान, योग, गायन, नृत्य, लाइभ म्युजिक, हास्य ध्यान, प्रत्यक्ष दोहोरी, पुस्तक प्रदर्शन, फुड फेस्टिभल, गजल वाचन र प्रहसनलगायतको प्रस्तुति हुनेछ।

नयाँ वर्षको उत्साह र सकारात्मक सन्देशसँगै ओशो तपोवनको सहकार्यमा महोत्सव हुन लागेको भट्टले जानकारी दिए। ‘मानिसहरू तनावग्रस्त छन्, डिप्रेसनका औषधि खानुपर्ने बाध्यात्मक परिस्थिति बनेको छ। आफुभित्र भएको शक्तिलाई जगाउन सकिन्छ।’, उनले भने।

‘नेपाल तपोभूमि हो भनेर चिनाउन सकिन्छ। नेपालबाटै अन्तराष्ट्रिय ध्यान दिवस सुरु गर्न सकिन्छ भन्ने उदेश्य पनि हो।’ प्रमुख संयोजक भट्टले शारीरिक तथा मानसिक तनाव, हतासा, विषादका कारण दिनानुनिद बिग्रँदै गएको मानव स्वास्थ्यप्रति जागरुक रहन र नेपाली समाजलाई योग र साधनाले महत्वपूर्ण भूमिका खेल्ने बताए।

महोत्सव बिहान ९ बजेदेखि राति ९ बजेसम्म चल्नेछ। महोत्सवमा सबै वर्ग, उमेर, समुदाय, जातजाति, धर्म र संस्कृतिका व्यक्तिलाई सुहाउने विविध प्रकारका प्रस्तुति राखिएको ओशो तपोवनका प्रवक्ता निराजन भण्डारीले बताए। भण्डारीका अनुसार आफ्नो व्यस्त जीवनशैलीमा ध्यान, योग र सत्सङलाई अपनाउँदै खुसी जीवन जीउन सकिने कला यस महोत्सवबाट सिक्न सकिने छ। ध्यान, साधना, संगीत, नृत्य, हास्य, स्वाद साहित्य रअध्ययनको महोत्सव हुने प्रवक्ता भण्डारीले बताए।

स्वामी आनन्द अर्हतले यसबाट गर्ने ध्यान आराधनाले निकै फाइदा पुग्ने दावी गरे। उनले भने, ‘७१ प्रतिशत मानिसले आफ्नो जीवनशैली मिलाउन नसकेर मृत्यु भएको छ। यसबाट धेरै मानिसको जीवनशैली परिवर्तन गर्न सकिन्छ।’

कार्यक्रमका संयोजक सोविता सिम्खडाले ध्यान अराधानाबाट मानिसहरूको जिनवशैलीमै परिवर्तन आउन सक्ने बताइन्। कोभिडपछि मानिसहरू डिप्रेसनको सिकार भएको भन्दै, ‘प्रत्येक मानिस खुसी रहनु पर्छ, अहिले भागदौड व्यस्तताले मानिसले आफ्नो बारेमा सोच्न सकेका छैनन्। जसबाट समस्या उत्पन्न भएको छ। केही हदसम्म आफ्नो लाइफस्टाइल परिवर्तन गर्न सकिनेछ।’ यस महोत्सवले ओशोको गुणगान मात्र गाउने नभई कार्यक्रममा थुप्रै खालका प्याकेज रहने उनले बताइन्। उनले कार्यक्रममा विदेशी पाहुनासँगै देशका विशिष्ट व्यक्तिको सहभागिता रहने बताइन्।

महोत्सवको मुख्य कार्यक्रम साँझ ५ बजे हुनेछ। साँझको कार्यक्रममा एकै साथ ५० हजारले ध्यान र उत्सव गर्ने तपोवनले जनाएको छ।

  • साझा परिवेश
  • बिहिबार, चैत्र ३०, २०७९ ११:२७

प्रतिक्रिया

तपाइको प्रतिक्रिया दिनुहोस्