July 16, 2024 | मङ्लबार, असार ३२, २०८१
सुचनाहरु
संघीय संसद्का दुवै सदनको बैठक बस्दै अर्जेन्टिनाले जित्यो कोपा अमेरिकाको उपाधि सुनको मूल्य अहिलेसम्मकै उच्च प्रधानमन्त्री ओलीको क्याविनेटमा को को बने मंत्री ? प्रधानमन्त्री ओलीलाई भारतीय प्रधानमन्त्री मोदीको बधाई कोशीमा सरकार पुनर्गठनको तयारी कोकिनसहित विदेशी महिला पक्राउ मुकुल ढकाललाई स्वर्णिम वाग्लेको सचिवालयबाट धम्की कोशी, बागमती र गण्डकी प्रदेशका केही स्थानमा भारी वर्षा हुने पशुपतिनाथमा बृहत् कोटीहोम महायज्ञ आयोजना हुँदै आज देशको ४५औँ प्रधानमन्त्री बन्दै एमाले अध्यक्ष केपी शर्मा ओली युरोकपको फाइनल आज, स्पेन र इङ्ल्याण्ड भिड्दै राष्ट्रिय परिचयपत्र लागू गर्ने निर्णयबाट पछि हट्यो सरकार गौतमबुद्ध अन्तर्राष्ट्रिय विमानस्थलमा अवतरणका क्रममा बुद्धएयरको जहाज चिप्लियो प्रधानमन्त्री पुष्पकमल दाहाल ‘प्रचण्ड’ले आज विश्वासको मत लिँदै बेपत्ता यात्रुको खोजी तथा उद्धार गर्न प्रधानमन्त्री दाहालको निर्देशन बालेनसँग श्रीलंकाका राजदूत पाथिरानाको शिष्टाचार भेट अठार महिनामा पाँचौँपटक विश्वासको मत लिँदै प्रधानमन्त्री ४३ जिल्ला वर्षाको उच्च जोखिम, आवश्यक पूर्वतयारी गर्न आह्वान कोलम्बिया कोपा अमेरिका कपको फाइनलमा

नागरिकताको विषयमा देश विभाजित नहोस् भन्नेमा सरकार सचेत छ : उपप्रधानमन्त्री श्रेष्ठ

  • साझा परिवेश
  • आइतवार, बैशाख १७, २०८० १७:१२
नागरिकताको विषयमा देश विभाजित नहोस् भन्नेमा सरकार सचेत छ : उपप्रधानमन्त्री श्रेष्ठ

जनकपुरधाम । उपप्रधान तथा गृहमन्त्री नारायणकाजी श्रेष्ठले नागरिकताको विषयमा देश विभाजित नहोस् भन्नेमा सरकार सचेत रहेको बताएका छन् ।

जनकपुरधाममा एक कार्यक्रमलाई सम्बोधन गर्दै उनले नागरिकताजस्तो संवेदनशील विषयमा सबै एकताबद्ध भएर सहमति कायम गर्न सके राम्रो हुने बताए । उनले नागरिकताको विषयमा राष्ट्रिय सहमतिका निम्ति विभिन्न राजनीतिक पार्टी र सरोकारवालाहरूसँग सरकार छलफलको प्रक्रियामा रहेको बताए ।

गृहमन्त्री श्रेष्ठले राष्ट्रिय सहमतिको नाउँमा नागरिकता पाउनुपर्नेलाई थप पीडामा नराखी विधेयकको प्रक्रिया अगाडि बढाउनेमा विश्वास व्यक्त गरे ।

‘थोरै समयमा सहमतिको प्रयत्न गर्ने र त्यसो हुन नसके नागरिकता पाउनुपर्नेहरुको हक सुनिश्चित गर्ने गरी विधेयकको प्रकृया अगाडि बढाइनेछ,’ उनले भने, ‘सरकारले यसलाई दायित्वको रुपमा लिएको छ ।’

यसअघि पनि नागरिकता पाउनुपर्नेहरुलाई नागरिकता दिलाउन दुवै सदनबाट दुई पटक नागरिकता सम्बन्धी विधेयक पारित भइसकेकोमा विविध कारणले राष्ट्रपतिबाट प्रमाणीकरण हुन नसकेको भन्दै उनले अब त्यसलाई थाँती राखेर सरकार बस्न नसक्ने प्रस्ट पारे ।
‘सरकारले नागरिकता पाउनुपर्नेहरुलाई थप पीडामा राख्न सक्दैन,’ गृहमन्त्री श्रेष्ठले भने, ‘त्यसका निम्ति सरकारले कानुनी व्यवस्था छिट्टै मिलाउँछ ।’

  • साझा परिवेश
  • आइतवार, बैशाख १७, २०८० १७:१२

प्रतिक्रिया

तपाइको प्रतिक्रिया दिनुहोस्