June 14, 2024 | शुक्रबार, जेष्ठ ३२, २०८१
सुचनाहरु
श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट हावाहुरी र चट्याङसहित पानी पर्ने सम्भावना

कोशी सरकारका सय दिन : प्रदेशको नामकरण र मन्त्रालयको संख्या कटौती

  • साझा परिवेश
  • मङ्लबार, बैशाख ५, २०८० १५:२९
कोशी सरकारका सय दिन : प्रदेशको नामकरण र मन्त्रालयको संख्या कटौती

विराटनगर । कोशी प्रदेश सरकारको सय दिन पूरा भएको छ। मुख्यमन्त्री हिक्मतकुमार कार्कीले सार्वजनिक गरेका सय दिनका मुख्य उपलब्धिमध्ये एउटा मन्त्रालयको संख्या कटौती हो।

मुख्यमन्त्रीले १३ बाट घटाएर मन्त्रालयको संख्या ९ बनाएका थिए। मुख्य उपलब्धिमा मुख्यमन्त्री कार्कीले प्रदेशको नामांकनलाई पनि राखेका छन्। गत फागुन १७ गते प्रदेशसभाबाट प्रदेशको नाम कोशी राखिएको थियो।

मुख्यमन्त्री कार्कीले मंगलबार पत्रकार सम्मेलन गरेर सयदिने उपलब्धि सार्वजनिक गरेका हुन्।

सरकारको प्रशासनिक खर्चमा मितव्ययिता कायम गर्न, सेवा प्रवाह र विकास व्यवस्थापनमा प्रभावकारिता ल्याउन उच्चस्तरीय प्रशासन सुधार कार्यदल गठन गरेको विषय पनि उपलब्धिमा परेको छ।

एक सय दिनमा प्रदेशसभाबाट दुईवटा विधेयक पारित भएको, चारवटा विधेयकलाई प्रदेशसभामा पेश गर्न स्वीकृति दिएको र चारवटा नियमावली स्वीकृत भएको मुख्यमन्त्रीले उल्लेख गरेका छन्।

मुख्यमन्त्री कार्कीले चालू खर्चलाई २५ प्रतिशत कटौती गरेको बताएका छन्। प्रदेशमा किसानलाई ४०७ मेट्रिक टन प्राङ्गारिक मल उपलब्ध गराएको, व्यावसायिक रुपमा दूध उत्पादन गर्ने १६ हजार ९५ जना किसानलाई १ करोड १७ लाख रुपैयाँ अनुदान उपलब्ध गराएको, ४६८ वटा बोयर जातका बाख्रा वितरण गरेको पनि सयदिने उपलब्धिमा समावेश छन्।

जनयुद्ध, दोस्रो जनआन्दोलन, मधेश आन्दोलन र आदिवासी जनजाति आन्दोलनका क्रममा मृत्यु भएका प्रदेशका १ हजार ४५० जनाको परिवारलाई जनही १ लाखका दरले १४ करोड ५० लाख उपलब्ध गराएको मुख्यमन्त्री कार्कीले बताएका छन्।

८ लाख ३० हजार ६१० जनालाई कोरोनाको बुस्टर मात्रा लगाएको, ११६ किलोमिटर सडक कालोपत्रे भएको, ३ वटा झोलुङ्गे पुल निर्माण भएको, १५ वटा पुल निर्माण अन्तिम चरणमा रहेको मुख्यमन्त्रीले सय दिनका उपलब्धिमा उल्लेख गरेका छन्।

  • साझा परिवेश
  • मङ्लबार, बैशाख ५, २०८० १५:२९

प्रतिक्रिया

तपाइको प्रतिक्रिया दिनुहोस्