April 4, 2025 | शुक्रबार, चैत्र २२, २०८१
सुचनाहरु
झापामा भेटियो दुर्गा प्रसाईं चढेको गाडी, कहाँ छन् दुर्गा प्रसाईं?  यीनै हुन् ४ वर्षीया बालिका अपहरण गरी लैजाने व्यक्ति वायु प्रदुषणले बिगार्दैछ आँखा, यसरी बचाउनुहोस् आँखालाई मोरङमा कुकुरको टोकाइबाट ६० एक वृद्धको गयो ज्यान  कुलमानको रिटमा सर्वोच्चले दिएन अन्तरिम आदेश  काठमाडौ महानगरका कर्मचारीले प्रमुख प्रशासकीय अधिकृत सरोज गुरागाईँलाई कार्यकक्षमा पुर्याएरै छाडे  नाच्दै गाउँदै शिक्षकहरुले गरे बेग्लै बिरोध प्रर्दशन सगरमाथा आधार शिविरमा काम गर्ने श्रमिकको गयो ज्यान   प्रधानमन्त्री ओलीले र भारतीय समकक्षी मोदीलाई थाइल्याण्डमा भेट्दै खानेतेलको मूल्य प्रतिलिटर १५ देखि ४० रुपैयाँसम्म बढ्यो   २५ करोडका मालिकको पहिचान   जडिबुटिमा राजावादी प्रदर्शनकारीको आगजनीले २८ करोडभन्दा बढीको क्षति शिक्षकहरु फेरी उत्रिए राजधानी केन्द्रित आन्दोलनमा तिनकुने प्रदर्शनमा ज्यान गुमाउने सुरेश र सबिनको परीवारलाई  सरकारले १०–१० लाख दिने शिक्षक महासङ्घले आजदेखि काठमाडौं केन्द्रित सडक आन्दोलन गर्दै असार ७ गतेभित्र एसइईको परीक्षाफल आइसक्ने गुजरातको पटाका गोदाममा ठूलो विस्फोट हुदा १७ जनाको गयो ज्यान तीनकुने घटनामा संलग्न २४ जना पनि पक्राउ राजावादिको प्रदर्शनमा ज्यान गुमाएका सबिनको गरियो पोस्टमार्टम  भाटभटेनी लुट्न आउने प्रदर्शनकारीलाई प्रतिकार गर्ने सुरक्षागार्ड तथा अन्य कर्मचारीलाई सम्मान गरीदै

बनाए सन्दीपले विश्व कीर्तिमान

  • साझा परिवेश
  • शुक्रबार, बैशाख ८, २०८० १४:२२
बनाए सन्दीपले विश्व कीर्तिमान

काठमाडौं। नेपाली राष्ट्रिय टिमका स्पीनर सन्दीप लामिछानेले एकदिवसीय अन्तर्राष्ट्रियमा सबैभन्दा छिटो एक सय विकेट लिने खेलाडीको विश्व कीर्तिमान बनाएका छन्।

त्रिवि क्रिकेट मैदानमा जारी एसीसी मेन्स प्रिमियर कप अन्तर्गत ओमानविरुद्ध एक विकेट लिएसँगै सन्दीपले इतिहास रचेका हुन्।

ओमानका लागि १३ रन बनाएका अदील शफिकलाई १३औं ओभरमा एलबीडब्लू आउट गरेसँगै सन्दीपले एक सय विकेटको कोशेढुङ्गा पार गरे।

सन्दीपले ४२औं एकदिवसीयमा एक सय विकेट पूरा गरेका छन्। यसअघि यो कीर्तिमान अफगानिस्तानका बलर रसिद खानको नाममा थियो। रसिदले ४४ खेलमा एक सय विकेट लिएर कीर्तिमान राखेका थिए। सन् २०१५ मा जिम्बाब्वेको हरारेमा भएको वेस्ट इन्डिजविरुद्धको खेलमा रसिदले त्यो कीर्तिमान बनाएका थिए।

तेस्रो स्थानमा अस्ट्रेलियन बलर मिचेल स्टार्क छन्। स्टार्कले सन् २०१० मा ५२ खेलमा १०० विकेटको कोशेढुङ्गा पार गरेका थिए।

सन्दीपले सन् २०१८ को अगस्ट १ मा नेदरल्यान्ड्सविरुद्ध नेपाली राष्ट्रिय टिमबाट एकदिवसीयमा डेब्यू गरेका थिए। नेदरल्यान्ड्सको आम्सटेलभिनस्थित भीआरए मैदानमा भएको त्यो खेलमा सन्दीपले १० ओभरमा ४२ रन खर्चिएर एक विकेट लिएका थिए।
सन्दीपको एकदिवसीयमा उत्कृष्ट बलिङ फिगर ६÷१६ को छ। त्रिवि क्रिकेट मैदानमै अमेरिकाविरुद्ध ६ ओभरमा १६ रन खर्चेर एक मेडनसहित सर्वाधिक ६ विकेट लिएका थिए।

सन्दीपले एकदिवसीय अन्तर्राष्ट्रियमा तीन पटक पाँच विकेट लिएका छन्। सोमबार पीएनजीलाई ९ विकेटले हराउँदा सन्दीपले १० ओभरमा २५ रन खर्चेर पाँच विकेट लिएका थिए। त्यसअघि सन् २०२० को फेब्रुअरीमा अमेरिकाविरुद्ध ६ विकेट लिएका थिए।

सन्दीपले पहिलो पटक सन् २०१८ मा केन्याविरुद्धको खेलमा पनि पाँच विकेट लिएका थिए।

  • साझा परिवेश
  • शुक्रबार, बैशाख ८, २०८० १४:२२

प्रतिक्रिया

तपाइको प्रतिक्रिया दिनुहोस्

नेपाल अपडेट