२ बर्षदेखि घाइते कप्तान सिद्धान्त लोहनीको उपचारमा क्यानले देखाएन चासो
साझा परिवेश
मङ्लबार, बैशाख ३, २०८२ २0:२९
कोशी प्रदेशका कप्तान तथा हेलिकप्टर सटका लागि चर्चित क्रिकेटर सिद्धान्त लोहनी दुई वर्षअघि जनकपुरमा भएको खेलमा गम्भीर घाइते भएका थिए। त्यसयता उनले पाँचपटक सर्जरी गराइसकेका छन्, तर अझै पूर्णरूपमा स्वास्थ्यलाभ गर्न सकेका छैनन्।
नेपालका तर्फबाट सन् २०१५मा अन्तराष्ट्रिय क्रिकेटमा डेव्यु गरेका सिद्दान्त लोहनीले आफ्नो डेव्यु खेलमा नै हेलिकप्टर सट प्रहार गरेर चर्चा कमाएका थिए ।
तर अहिले आफ्नो स्वास्थ्यमा गम्भिर समस्या आउदा समेत आफूलाई नेपाल क्रिकेट संघ (क्यान) बाट कुनै सहयोग नपाएको भन्दै गहिरो असन्तुष्टि पोखेका छन्।
उनले क्यानका अध्यक्ष चतुरबहादुर चन्द, सचिव पारस खड्का लगायत पदाधिकारीलाई पटक–पटक जानकारी गराउँदा पनि कसैले चासो नदिएको गुनासो गरेका छन्।
उनको आरोप अनुसार, क्यानले आफ्नै खेलाडीप्रति पनि स्पष्ट सहयोग नदेखाउनु दुःखद पक्ष हो। लोहनीको अवस्थाले नेपाली क्रिकेटमा खेलाडीप्रतिको संस्थागत बेवास्ता उजागर भएको छ ।
