July 15, 2024 | सोमवार, असार ३१, २०८१
सुचनाहरु
संघीय संसद्का दुवै सदनको बैठक बस्दै अर्जेन्टिनाले जित्यो कोपा अमेरिकाको उपाधि सुनको मूल्य अहिलेसम्मकै उच्च प्रधानमन्त्री ओलीको क्याविनेटमा को को बने मंत्री ? प्रधानमन्त्री ओलीलाई भारतीय प्रधानमन्त्री मोदीको बधाई कोशीमा सरकार पुनर्गठनको तयारी कोकिनसहित विदेशी महिला पक्राउ मुकुल ढकाललाई स्वर्णिम वाग्लेको सचिवालयबाट धम्की कोशी, बागमती र गण्डकी प्रदेशका केही स्थानमा भारी वर्षा हुने पशुपतिनाथमा बृहत् कोटीहोम महायज्ञ आयोजना हुँदै आज देशको ४५औँ प्रधानमन्त्री बन्दै एमाले अध्यक्ष केपी शर्मा ओली युरोकपको फाइनल आज, स्पेन र इङ्ल्याण्ड भिड्दै राष्ट्रिय परिचयपत्र लागू गर्ने निर्णयबाट पछि हट्यो सरकार गौतमबुद्ध अन्तर्राष्ट्रिय विमानस्थलमा अवतरणका क्रममा बुद्धएयरको जहाज चिप्लियो प्रधानमन्त्री पुष्पकमल दाहाल ‘प्रचण्ड’ले आज विश्वासको मत लिँदै बेपत्ता यात्रुको खोजी तथा उद्धार गर्न प्रधानमन्त्री दाहालको निर्देशन बालेनसँग श्रीलंकाका राजदूत पाथिरानाको शिष्टाचार भेट अठार महिनामा पाँचौँपटक विश्वासको मत लिँदै प्रधानमन्त्री ४३ जिल्ला वर्षाको उच्च जोखिम, आवश्यक पूर्वतयारी गर्न आह्वान कोलम्बिया कोपा अमेरिका कपको फाइनलमा

पाँच घर जलेर नष्ट, करोडौंको क्षति

  • साझा परिवेश
  • सोमवार, बैशाख ११, २०८० १२:५२
पाँच घर जलेर नष्ट, करोडौंको क्षति

सिन्धुली। सिन्धुलीको कमलामाई नगरपालिका–२ चियाबारीमा आगलागी हुँदा पाँच घर जलेर नष्ट भएका छन्। आइतबार राति करिब १२ बजेतिर अचानक सल्केको आगोले स्थानीय सन्तोष काजी थापा, अम्बिका बुढाथोकी, सिताराम थापा, कौशल थापा, प्रेमकुमारी थापा र राजकुमार श्रेष्ठको घर जलेर नष्ट भएको हो।

आगलागीबाट करोडौं मूल्यको क्षति भएको छ। आगलागीबाट घरमा भएका सबै सर सामान गररहना, अन्नपात, लत्ता कपडा, भाँडा कुडा, सहित नगद समेत जलेको छ। सन्तोष काजी थापाको मात्र ११ लाख नगद र सात तोला सुनचाँदी जलेको बताए। ’सालाको बिहेको लागि सुन खरिद गर्न आइतबार मात्र जम्मा गरेको ११ लाख नगद नै जल्यो,’ थापाले भने।

छिमेकीको घरमा लागेको आगो नियन्त्रण गर्ने प्रयास गर्दा आफ्नो पनि सर्वस्व गुमेको उनको भनाई छ। कौशल थापाको तिनलाखको सुन, ६० हजार नगद, घरमा भएको सबै सर सामान जलेर नष्ट भएको छ।

प्रेम कुमारी थापाको तीन लाख नगदसहित गरगहनाका साथै घरमा भएका सबै सरसामान जलेको छ। सिताराम थापाको घरभित्र भएका सबै सामान जलेका छन्।

अम्बिका थापाको १ लाख नगद, पाँच तोला सुनसहित अन्नपात, भाँडाकुँडा, लत्ताकपडा सबै जलेर नष्ट भएको छ। आगलागीबाट करि दुई करोड रूपैयाँ बराबरको क्षति भएको अनुमान गरीएको छ। आगलागि पिडितहरूको नागरिकता, सर्टिफिकेट, लाईसेन्स, लालपुर्जा जस्ता महत्वपूर्ण कागजात समेत जलेर नष्ट भएको प्रहरीले जनाएको छ।

आइतबार राति अम्बिका थापाको घरबाट आगो सल्केको स्थानीय टलक विक्रम थापा बताउँछन्। घरमा आगो के बाट सल्केको हो भन्ने एकिन नभएपनि बेलुका पुजा गर्न बालेको दियोबाट सल्केको हुन सक्ने अनुमान गरिएको छ। त्यस स्थानमा यस अघि दुई पटक घर आगलागी भइसकेको छ। २०५४ मा आगलागीबाट घरबारबिहिन भएका थापा परिवारमा २५ वर्षपछि उहीँ विपत्ति आईपरेको भन्दै कमलामाई नगरपालिकाका मेयर उपेन्द्र कुमार पोखरेलले दुःख व्यक्त गरे।

आगलागी पीडितसँगको भेटमा पोखरेलले नगरबाट सक्ने सहयोग उपलब्ध गराउने बताए। घटनास्थलको अवलोकन गर्दै नगरका नि–वर्तमान मेयर खड्गबहादुर खत्रीले समेत पीडित परिवारलाई सान्त्वना दिएका छन्। आगलागीको कारण र यकिन क्षतिबारे प्रहरीले अनुसन्धान थालेको छ।

  • साझा परिवेश
  • सोमवार, बैशाख ११, २०८० १२:५२

प्रतिक्रिया

तपाइको प्रतिक्रिया दिनुहोस्