जवरजस्तीकरणी गर्न खोज्दा प्रतिवाद, महिलामाथि निर्घात कुटपिट, पक्राउ परेनन् दोषी
साझा परिवेश
शुक्रबार, बैशाख २२, २०८० १२:३७
रौतहट । रौतहटमा एक महिलामाथि निर्घात कुटपिट भएको छ। चन्द्रपुर नगरपालिका वडा नं-१० बालचनपुरका एक युवाले एक महिलामाथि निर्घात कुटपिट गरेका हुन्। स्थानीय रामज्योदी पासवानको छोरा विजय पासवानले गाँउकै एक ३२ वर्षकी विवाहित महिलामाथि बिहिबार लछारपछार गर्नुका साथै निर्घात कुटपिट गरेका हुन्।
कुटपिटबाट घाइते महिलाको अहिले चन्द्रनिगाहपुर स्थित चन्द्रपुर अस्पताल प्रालीमा उपचार भइरहेको छ। राजनीतिक संरक्षणमा छुल्याहा गतिविधि गर्दै आएका पासवानले महिलामाथि गरेको कुटपिटको विषयमा पीडितले इलाका प्रहरी कार्यालय चन्द्रनिगाहपुरले उजुरी दिएको भए पनि पासवान पक्राउ पर्न सकेका छैनन्।
हिजो (बिहिबार) वडा कार्यालय जादै गरेकी महिलालाई बालचनपुर र विर्ता बजारबीचको बाटो नजिकै पर्ने एकान्त स्थानमा पासवाले जवरजस्तीकरणी गर्न खोजेको पीडितको आरोप छ। महिलाले प्रतिवाद गरेपछि पासवालले निर्घात कुटपिट गरेका थिए।
