अमेरिकी नागरिकका जटिल मुद्दालाई सम्बोधन गर्नुपर्ने चुनावी अभियानलाई उनले आफूमाथि लागेको फौजदारी अभियोगको प्रतिक्षा गर्ने थलो बनाउने गरेका छन् ।
फौजदारी अभियोग लागेका पहिलो पूर्व राष्ट्रपति ट्रम्प गत साता मियामीस्थित क्लबमा पुगे । ह्पाप्पी बर्थडे गीत गाएर र आफ्ना समर्थकको प्रशंसामा उत्रिए ।
त्यसपछि न्युजर्सीकफ गल्फ क्लबमा पुगेर आफ्नो बचाउ गरे । दुई पटक महाअभियोग खेपेका र संघीय अदालतमा ३७ वटा मुद्दा खेपिरहेका उनले आफू निरंकुश सरकारको शिकार भएको दाबी गरे ।
‘अहिले हामीले मुलुकमा शक्तिको चरम दुरूपयोग र निकै खराब सरकारको समाना गरिरहेका छौं । भ्रष्ट राष्ट्रपतिले प्रतिपक्षीलाई दमन गरिरहेका छन् । झुटो मुद्दामा दुख दिइरहेका छन् । राष्ट्रपतीय निर्वाचनको संघारमा म माथि साँधिएको प्रतिशोधले पूर्व राष्ट्रपति सहित वर्तमान राष्ट्रपति लज्जित हुनेछन् र वर्तमान राष्ट्रपति चुनावमा नराम्रोसँग पराजित हुनेछन्,’ ट्रम्प कड्किए ।
सन् २०२० को राष्ट्रपतीय निर्वाचन प्रभावित पार्न खोजेका ट्रम्पले बाइडेनलाई मुलुकलाई फाँसीवादतर्फ उन्मुख गराउन खोजेको आरोप लगाए ।
गोप्य दस्तावेज अमेरिकी सरकारको सम्पत्ति रहेकाले त्यसलाई राख्ने अधिकार आफूसँग रहेको भन्दै आफ्नो बचाउ गरे । उनका अभिव्यक्ति अमेरिकी इतिहासमै विडम्बनापूर्ण छ । विभाजनकारी तमाशा मच्याएका ट्रम्पले फौजदारी अभियोगमा आफू दोषी नरहेको विन्ती गरिरहेका छन् । तर अदालतले उनी दोषी प्रमाणित गर्ने अधिक सम्भावना छ ।
ट्रम्पका एकपछि अर्को विवादास्पद अभिव्यक्ति सुन्दा यस्तो लाग्छ कानुनको अवहेलनालाई उनी सहजनै मान्छन् । आफूले सिर्जना गरेको परिस्थितिको गाम्भिर्यतालाई वेवास्ता गर्दै उनले फेरि आफ्नो व्यक्तिगत र राजनीतिको महत्वांकाक्षालाई अघि सारे ।
राजनीतिक र व्यक्तिगत स्वार्थका लागि उनले मुलुकको आन्तरिक तथा आणविक सुरक्षा तथा सैन्य रणनीति समक्ष गोप्य कागजातको संवेदशनशीलताप्रति उनले मजाक उडाए ।
मुलुकका गोप्य कागजातप्रति असंवेदनशील ट्रम्पले अहिले आफू राजनीतिक शिकार भएको भन्दै आफ्नो जबरजस्त बचाउ गरिरहेका छन् ।
‘हाम्रो सरकार लगाम बाहिर जन खोजेको छ । हामीले यस्तो सरकार पायौँ जो नियन्त्रण बाहिर जाँदैछ,’ ट्रम्पले भने ।
आफूविरुद्धको फौजदारी अभियोगमा निर्मम अनुसन्धान गरिरहेको राज्य संयन्त्रलाई बदनाम गर्न ट्रम्प लागिपरेका छन् । उनले हाल जेजति अभिव्यक्ति दिएका छन् त्यो उनको राजनीतिक रणनीतिमात्रै छैन । यो उनको चुनावी अभियानको रणनीतिनै बनेको देखिन्छ ।
ह्वाइटहाउसको यात्राका लागि ट्रम्पले राजनीतिक अभियान भन्दा पनि आफ्नो बचाउमा खर्चेका छन् । अदालतमा उनीविरूद्धको मुद्दा जारी छ । तर उनले राष्ट्रपतिको अख्तियारी लिएर फेक शक्तिशाली हुने महत्वकांक्षा पालिरहेका छन् ।
उनीमाथिका अभियोग पुष्टी भएमा ट्रम्प अमेरिकी इतिहासकै हाइप्रोफाइ अपराधी हुनेछन् र उनी जेल चलान हुनेछन् । ‘ट्रम्प अमेरिकालाई बचाउन होइन आफूलाई बचाउन र न्यायिक प्रणालीलाई ध्वस्त पार्नका लागि चुनाव लड्दैछन्,’ राजनीतिक मामिला सम्बन्धी टिप्पणीकार मान जोश भन्छन् ।
अदालतको फैसला ट्रम्प स्वयं र उनका विरोधीका लागि महत्वपूर्ण छ । योसँगै ३ वटा राष्ट्रपतीय निर्वाचन अनुसन्धानको घेरा र आरोपको समाना गरिरहेकै केन्द्रविन्दुमा हुन्छ ।
सन् २०१६ मा हिलारी क्लिन्टन विवादित थिइन् । सन् २०२० मा ट्रम्प स्वयंमलाई धाँधली गरेको आरोप लाग्यो । यदि सन् २०२४ मा रिपब्लिकनबाट राष्ट्रपतीय निर्वाचनको उम्मेदवार भएमा अर्को कार्यकालसम्म आपराधिक क्रियाकलाप बढ्नसक्छ । यसले लोकतन्त्रको विश्वसनियताप्रति गम्भीर प्रश्न खडा गर्नेछ ।
ट्रम्पले आफ्नो दलको प्रमुख नेताहरूलाई आफ्नो प्रतिरक्षामा उतारेका छन् । उदाहरणका लागि सभामुख केभिन क्यार्थीले ट्रम्पमाथिको अनुसन्धान राजनीति प्रतिशोध भनिदिए ।
तर ट्रम्पविरोधी स्वर पनि पार्टीमा सुनिन्छन् । दक्षिण क्यारोलिनकाकी पूर्व गर्भनर निक्की हेलीले ट्रम्पविरूद्धको अभियोग सही रहेको बताउँदै अएकी छिन् । उनी पनि ह्वाइटहाउस जानका लागि पार्टीभित्रको प्राइमरी चुनाव समाना गर्ने तयारी गरिरहेकी छिन् ।
यता पूर्व उपरराष्ट्रपति माइक पेन्सले पनि ट्रम्पका अभियोगको बचाउ गर्न नसकिने बताएका छन् । प्राइमरी चुनावमा ट्रम्पविरूद्ध उनलेनै पहिलो उम्मेदवारी दिएका थिए ।
पार्टीभित्रै विरोधी स्वर बढ्दै जानु र अदालतको फैसला विचाराधीन रहेको अवस्थामा २०२४ को निर्वाचन ट्रम्पको लागि जटिल छ ।
जटिलताकाबीच उनले अभियान जारी राखेका छन् । कानुनविरोधी गतिविधि गरेकोमा उनलाई कुनै पश्चताप र हिनताबोध देखिँदैनन् । उनी राज्यले आफूविरूद्ध षडयन्त्र गरेको देखिरहेका छन् ।
यदि अदालतले ट्रम्पले राज्यविरूद्ध षड्यन्त्र गरेको पुष्टी गरेमा उनी हिरासतमा जानेछन् । ट्म्प अचेल अदालतको कठघरामा बयान दिएको निमेसमै जनतामाझ पुग्छन् र सबै अभियोगको प्रतिरक्षा त्यहाँ पनि गर्छन् । ट्रम्प यसपटक अमेरिकालाई बचाउन नभएर आफैँलाई बचाउनका लागि चुनावी अभियान केन्द्रित गरिरहेका छन् ।
