आजदेखि एकीकृत करोबार सुरु, लक्ष्मी बैंक र सनराइज बैंक मर्ज
साझा परिवेश
शुक्रबार, असार २९, २०८० १0:३६
असार ३ गते स्वीकृत भएको मर्जरमा जाने अन्तिम सहमति
लक्ष्मी बैंकको सीईओ अजय विक्रम शाह प्रमुख कार्यकारी अधिकृत (सीईओ) हुने
काठमान्डौ ।।
लक्ष्मी बैंक र सनराइज बैंक मर्जरपछि आज (असार २९ गते)देखि एकीकृत करोबार सुरु गरेका छन् । मर्जरपछि लक्ष्मी सनराइज बैंक लिमिटेडको नामबाट एकीकृत कारोबार सुरु भएकाे हाे ।
यी दुई बैंक १ः१ स्वाप रेसियोमा मर्जर भएका हुन् । मर्जरमा जाने अन्तिम सहमति असार ३ गते स्वीकृत भएको थियो ।
आजदेखि एकीकृत कारोबार गर्न दुवै बैंकले आफ्ना शाखा कार्यालयहरू असार २७ र २८ गते दुई दिन बन्द गरेका थिए । मर्जरपछि लक्ष्मी सनराइज बैंकको केन्द्रीय कार्यालय हाल लक्ष्मी बैंक भएकै भवनमा रहने छ ।
प्रमुख कार्यकारी अधिकृत (सीईओ) भने अजय विक्रम शाह हुने भएका छन् । हाल उनी लक्ष्मी बैंकको सीईओ छन् ।
