प्रधानमन्त्रीलाई सामाजिक सञ्जालमार्फत दुष्प्रचार गर्ने व्यक्ति पक्राउ
साझा परिवेश
सोमवार, साउन १, २०८० १५:0५
प्रधानमन्त्री पुष्पकमल दाहालको तस्वीरसहित गलत कुरा लेखेकोमा १ जना पक्राउ
टाइगर रानामगर भनिने शेरबहादुर राना मगर बुटवलमा पक्राउ
साईबर क्राईम सम्बन्धि मुद्दा चलाइने
बुटवल ।।
प्रधानमन्त्री पुष्पकमल दाहाल (प्रचण्ड) को तस्वीरसहित गलत कुरा लेखेर सामाजिक सञ्जालमार्फत दुष्प्रचार गरेको आरोपमा एकजना युवा पक्राउ परेका छन् ।
प्रधानमन्त्री पत्नी सीता दाहालको निधनसँग जोडेर प्रधानमन्त्रीको तस्वीरसहित असंवेदनशील कुरा लेखेको आरोपमा देवदह नगरपालिका-८ का टाइगर रानामगर भनिने शेरबहादुर राना मगर बुटवलमा पक्राउ परेका हुन् ।
केन्द्रीय साइबर ब्युरोले आइतबार बुटवल देवीनगरबाट रानालाई पक्राउ गरेको ईलाका प्रहरी कार्यालय बुटवलका प्रहरी नायव उपरिक्षक दान बहादुर थापाले बताए ।
उनलाई काठमाण्डौमा साईबर क्राईम सम्बन्धि मुद्दा चलाइने थापाले बताए । रानाले प्रधानमन्त्रीको फोटोसँगै जोडेर भारतीय आधार कार्ड, आयकर कार्डलगायत नक्कली विवरणसहितको तस्वीर बनाएर सामाजिक सञ्जालमा राखेका थिए ।
