स्पष्टीकरणसहित २२ प्रहरी ७ दिनभित्र हाजिर हुन निर्देशन : प्रहरी प्रधान कार्यालय
साझा परिवेश
बुधबार, साउन १०, २०८० १४:0८
२२ जना प्रहरीहरुलाई सात दिनभित्र हाजिर हुन निर्देशन
प्रहरी प्रधान कार्यालयलाई सन्तोषजनक स्पष्टीकरण चाहियो
काठमाडौं ।।
बिदा स्वीकृत नगराई कार्यालयमा हाजिर नभएका २२ जना प्रहरीहरुलाई सात दिनभित्र हाजिर हुन प्रहरी प्रधान कार्यालय नक्सालले निर्देशन दिएको छ । प्रहरी प्रधान कार्यालयले आज सूचना जारी गरी गैरहाजिर हुनुको कारण खुल्ने सन्तोषजनक स्पष्टीकरणसहित सात दिनभित्र हाजिर हुन भनेको हो ।
अन्यथा सेवाबाट हटाउने चेतावनी प्रहरी प्रधान कार्यालयले दिएको छ । सबैभन्दा लामो समयदेखि गैरहाजिर भएका प्रहरी जवान सप्तरीका नरेन्द्र कुमार साह छन् । प्रहरी चौकी सतिघट्टा झापा दरबन्दी भएका उनी २०७९ चैत २७ गतेदेखि कार्यालयमा हाजिर भएका छैनन् ।
