महांकाल मन्दिर नै भत्किनेगरी ट्यांकर ठोक्किएपछी…….
साझा परिवेश
सोमवार, साउन १५, २०८० ११:१५
ट्यांकर ठोक्किंदा चालक गम्भीर घाइते
ओखलढुंगाका ५९ वर्षीय चेतबहादुर खत्री गम्भीर
ठक्करबाट महांकाल मन्दिरको भित्तामा पनि क्षति
काठमाडौं ।।
काठमाडौंको महांकाल मन्दिरमा पानी ट्यांकर ठोक्किंदा चालक गम्भीर घाइते भएका छन् ।
त्रिपुरेश्वरबाट भोटाहिटीतर्फ जाँदै गरेको ना २ क ४० नम्बरको ट्यांकर आज बिहान करिब सवा दुई बजेतिर मन्दिरको भित्तामा ठोक्किएको हो ।
दुर्घटनामा ट्यांकर चालक काठमाडौंको बसुन्धरा बस्ने ओखलढुंगाका ५९ वर्षीय चेतबहादुर खत्री गम्भीर घाइते भएका छन् ।
चालक सिटमै च्यापिएका उनलाई प्रहरीले उद्धार गरेर नजिकैको ट्रमा सेन्टरमा पुर्याएको थियो । उनको उपचार जारी छ । १२ हजार लिटर क्षमताको ठूलो ट्यांकरको ठक्करबाट महांकाल मन्दिरको भित्तामा पनि क्षति पुगेको प्रत्यक्षदर्शीले बताएका छन् ।
