झापामा १ र २ गते घन्किदै घण्टी , रवि लामिछानेले खुल्ला सभालाई सम्बोधन गर्दै

झापा । राष्ट्रिय स्वतन्त्र पार्टीका सभापति रवि लामिछाने नेतृत्वको टीम झापा आउँने भएको छ । गत मंसिर ४ को निर्वाचनमा ७७ हजारभन्दा बढी मत ल्याएर तेस्रो बनेको पार्टीले झापामा सम्वोधन गर्ने कार्यक्रम तयार भएको हो ।
पाटीको प्रभाव विस्तार गर्न सभापति रवि लामिछानेकोे टीम झापामा दुइ दिन रहने छ । बिभिन्न दलका जिल्लास्तरीय सक्रिय नेता कार्यकर्ताहरुलाई पार्टीमा प्रवेश गराइसकेको रास्वपाले त्यस क्रमलाई अझ तीब्रता दिने भएको हो ।
झापामा रहदा भदौ १ र २ गते झापामा सम्वोधन गर्ने छन । जिल्लाका पाँच वटै निर्वाचन क्षेत्र र प्रायः सबै प्रदेश क्षेत्रमा रास्वपाले दुई दिने कार्यक्रम तयार गरेको छ । सभापति लामिछानेको नेतृत्वमा महामन्त्री डा. मुकुल ढकाल , प्रमुख सचेतक सन्तोष परियार , सचेतक तथा संघीय सांसद निशा डाँगी ,केन्द्रीय सदस्य तथा सांसद अशोक चौधरी , केन्द्रीय सदस्य रमेश प्रसाईलगायतका केन्द्रीय नेताहरु जिल्लाको कुनाकुनामा जाने कार्यक्रम रहेको जिल्ला सभापति उमेश खरेलले बताए ।
माईपूर्व र माईपश्चिम गरी दुईवटा खुल्ला सभासंगै कचनकवलको बनियानी , झापा बजार , बाहुण्डाँगी,बुद्धशान्ति, हल्दिवारीको गोलधाप, शिवगञ्जस्ता ग्रामीण ठाउँमा पनि जाने कार्यक्रम रहेको छ । साउन ३२ गते इलामको सूर्योदय नगरपालिकाको खुल्ला सभालाई सम्बोधन गरिसकेपछि लामिछाने झापा आउने छन् । त्यसको भोलिपल्ट साउन १ गते बिहान बुद्धशान्तिको वडा नं ४ मा रहेको सुकुम्बासी बस्ती जाने , त्यसपछि बाहुण्डाँगीको हात्ती प्रभावित क्षेत्र अवलोकन गर्ने कार्यक्रम छ ।
सोही दिन माईपूर्वको खुल्ला सभा बिर्तामोडको सिटी सेन्टर र माईपश्चिमको खुल्ला सभा दमकको गोर्खा डिपार्टमेन्टको प्राङ्गणमा राखिएको छ ।सोही दिन झापाका उद्योगी , व्यवसायी , बौद्धिक तथा शैक्षिक व्यक्तिहरुसंग भेटघाट गर्ने कार्यक्रम रहेको छ । भोलिपल्ट साउन २ गते जिल्लाका विभिन्न ठाउँहरुमा क्षेत्रीय भेला राखिएको छ । १ नम्बर क्षेत्रको क्षेत्रीय भेला मेचीनगरको इटाभट्टा,३ नं क्षेत्रको बनियानी ,३ नं कै गोलधाप ,४ नं को झापा गाउँपालिकाको झापा बजार , ४ नं. कै शिवगञ्ज बजार , ५ नं को गौरादहमा क्षेत्रीय भेला राखिएको छ । सोही दिन लामिछानेले सुरुङ्गाका सन्थाल परिवारसंग भेट्ने कार्यक्रम पनि रहेको जिल्ला सभापति खरेलले बताए ।
रास्वपाले झापाको १४ वटा पालिकामा संगठन विस्तार गरिसकेको छ । बाँकी रहेको गौरीगञ्ज गाउँपालिकामा भोलि बुधवार समिति गठन हुन लागेको खरेलले जानकारी दिए ।

• संसद विघटन