पोखराको पृथ्वीचोकमा पृथ्वीनारायण शाहको सालिक राख्न माग गर्दै नाराबाजी
मेयर धनराज आचार्यलाई पृथ्वीनारायण शाहकै सालिक राख्न आग्रह
राष्ट्रिय प्रजातन्त्र पार्टी र पृथ्वीनारायण शाहका समर्थक आक्रोशित
पोखरा ।।
पोखराको पृथ्वीचोकमा पृथ्वीनारायण शाहको सालिक राख्न माग गर्दै राजतन्त्र पक्षधर एक समूहले पोखरा महानगरपालिका कार्यालय अगाडि आइतबार नाराबाजी गरेको छ ।
‘राष्ट्र निर्माता गौरव अभियान’ नामक समूहले पृथ्वीचोक सभागृह चोक हुँदै महानगर पुगेर मेयर धनराज आचार्यलाई पृथ्वीनारायण शाहकै सालिक राख्न आग्रह गरेको छ ।
साउन २४ गते अन्तर्राष्ट्रिय आदिवासी दिवसको दिन पृथ्वीचोकमा रहेको लखन थापाको मुनि रहेको पृथ्वीनारायण शाहको प्रतिमा एक समूहले हटाइदिएपछि राष्ट्रिय प्रजातन्त्र पार्टी र पृथ्वीनारायण शाहका समर्थक आक्रोशित बनेका हुन् ।
सोही दिनदेखि पृथ्वीचोकमा लखन थापाको नभई पृथ्वीनारायण शाहकै सालिक राख्नुपर्ने माग राख्दै आन्दोलन गर्दै आएका छन् । उनीहरुले बलजफ्ती महानगरले नै प्रतिमा हटाइदिएको आरोप लगाउँदै आएका छन् ।
पृथ्वीनारायण शाहको पूर्ण कदको सालिक २ वर्षअघि नै जामुनबोटमा अनावरणमेत भइसकेको छ । पृथ्वीचोकमा रहेको लखन थापासहित महानगरभित्रका सबै सालिक एक महिनाभित्र जामुनबोटमा स्थानान्तरण गरिसक्ने महानगरले जनाएको छ ।
‘प्रथम शहीद लखन थापाको सालिकसँगै रहेको राष्ट्रिय विभूति पृथ्वीनारायण शाहको तस्वीर तत्कालका लागि सुरक्षित साथ महानगरमा राख्ने र लखन थापाको सालिकसहित सडकमा रहेका सालिकहरूलाई एक महिना भित्र व्यवस्थापनरस्थानान्तरण गर्न राजनीतिक दल, सरकारी निकाय तथा सम्बन्धित सरोकारवाला संघसंस्थाहरुसँग आवश्यक समन्वय तथा छलफल अघि बढाउने निर्णय भएको महानगरपालिका स्मरण गराउँदछ’, महानगरले एक विज्ञप्तिमार्फत भनेको छ ।
‘प्रथम शहीद लखन थापाको सालिकसँगै रहेको राष्ट्रिय विभूति पृथ्वीनारायण शाहको तस्वीर तत्कालका लागि सुरक्षित साथ महानगरमा राख्ने र लखन थापाको सालिकसहित सडकमा रहेका सालिकहरूलाई एक महिना भित्र व्यवस्थापन-स्थानान्तरण गर्न राजनीतिक दल, सरकारी निकाय तथा सम्बन्धित सरोकारवाला संघसंस्थाहरुसँग आवश्यक समन्वय तथा छलफल अघि बढाउने निर्णय भएको महानगरपालिका स्मरण गराउँदछ’, महानगरले एक विज्ञप्तिमार्फत भनेको छ ।
