प्रधानमन्त्रीको न्यूयोर्क र चीन भ्रमणबारे छलफल हुँदै
साझा परिवेश
आइतवार, भदौ २४, २०८० १0:३२
संसदमा प्रतिनिधित्व गर्ने दलहरुको संयुक्त बैठक हुँदै
बैठक प्रधानमन्त्रीको आसन्न चीन भ्रमणमा केन्द्रित
न्यूयोर्क जाने र उतैबाट चीन भ्रमणमा जाँदै
काठमाडौं ।।
प्रधानमन्त्री तथा मन्त्रिपरिषदको कार्यालयमा संसदमा प्रतिनिधित्व गर्ने दलहरुको संयुक्त बैठक बसिरहेको छ । बैठक प्रधानमन्त्री पुष्पकमल दाहाल प्रचण्डको आसन्न चीन भ्रमणमा केन्द्रित छ । प्रधानमन्त्री प्रचण्ड संयुक्त राष्ट्रसंघको महासभामा भाग लिन न्यूयोर्क जाने र उतैबाट चीन भ्रमणमा जाँदैछन् ।
सोही भ्रमणको तयारी तथा एजेन्डाबारे जानकारी गराउन र सुझाव लिन प्रधानमन्त्री प्रचण्डले सर्वदलीय बैठक बोलाएको उनको सचिवालयले जनाएको छ । बैठकमा पूर्वप्रधानमन्त्रीहरु, संसदमा प्रतिनिधित्व गर्ने दलका नेताहरु र पूर्वपरराष्ट्रमन्त्रीहरुसमेत सहभागी छन् ।
