ल्याबका सञ्चालक भीमकान्त पनि सुन तस्करीमा आबद्द रहेको आशंका
साझा परिवेश
आइतवार, भदौ २४, २०८० १५:00
प्रहरीले बोलाएपछि भण्डारी आइतबार सीआईबी गए
चिनियाँ नागरिकसँग पनि पटक पटक कुराकानी भएको फेला पर्यो
काठमाडौं ।।
६० किलो सुन तस्करी प्रकरणमा नेपाल प्रहरीको केन्द्रीय अनुसन्धान ब्यूरो (सीआईबी) ले विध ल्याबका सञ्चालक भीमकान्त भण्डारीसँग सोधपुछ गरेको छ । सुन तस्करी प्रकरणमा पक्राउ परेका चिनियाँ मूलका बेल्जियन नागरिक दावा छिरिङसँग पटक पटक कुराकानी भएको देखिएपछि सीआईबीले उनीसँग सोधपुछ गरेको हो ।
प्रहरीले बोलाएपछि भण्डारी आइतबार सीआईबी गएका थिए । उनलाई सोधपुछ गरेर पठाएको सीआईबी स्रोतले जनाएको छ । भण्डारीको यसअघि विद्युतीय चुरोट (भेप) मा लुकाएर भएको सुन तस्करी प्रकरणमा जोडिएका चिनियाँ नागरिकसँग पनि पटक पटक कुराकानी भएको फेला पारेको प्रहरी स्रोतको भनाइ छ ।
