उर्लाबारी । उर्लाबारीमा दुई जना अग्रज पत्रकारलाई सम्मानित भएका छन् । उर्लाबारी उद्योग वाणिज्य संघ र उर्लाबारी खानेपानी उपभोक्ता तथा सरसफाई संस्थाबाट दुई जना पत्रकार सम्मानित भएका हुन् । उद्योग वाणिज्य संघबाट उर्लाबारी वडा नंं. ४ का दुर्गाप्रसाद भट्टराई र खानेपानी संघबाट उर्लाबारी–६ का दुर्गाप्रसाद खतिवडाले सम्मान पाएका हुन् ।
उर्लाबार उद्योग वाणिज्य संघले पत्रकार भट्टराईलाई ५ हजार रुपैयाँ नगदसहित सम्मान गरेको हो । उर्लाबारी नगरपालिकाका उपप्रमुख मिनादेवी पौडेल खतिवडा र संघका अध्यक्ष शेरबहादुर भण्डारीले सम्मानपत्रसहित दुवैलाई सम्मान गरेकी थिइन् । चार दशकदेखि पत्रकारिता गर्दै आएका भट्टराई न्यू पाथीभरा साप्ताहिकका प्रकाशक तथा सम्पादक हुन् ।
यसैगरी सञ्चार क्लब नेपाल उर्लाबारीका संस्थापक अध्यक्ष दुर्गाप्रसाद खतिवडा उर्लाबारी खानेपानी उपभोक्ता तथा सरसफाई संस्थाबाट सम्मानित भएका छन् । उनी नगद १० हजारसहित सम्मानित भएका हुन् । उर्लाबारी नगरपालिकाका नगरप्रमुख गंगाप्रसाद खरेल र संस्थाका अध्यक्ष चिन्तामणि पौडेलले सम्मान पत्र र दोसल्ला ओढाएर सम्मान गरेका थिए ।
अलकापुरी नेपाल साप्ताहिकका सम्पादक तथा प्रकाशकसमेत रहनु भएका खतिवडा पनि चार दशकले पत्रकारिता गर्दै आएका छन् ।
