सुवर्ण शमसेरको स्मृति दिवसको लागि कांग्रेस तयारीमा
साझा परिवेश
बुधबार, अशोज १०, २०८० १४:१६
नेपाली कांग्रेसले ‘इकोनोमी कन्क्लेभ’ गर्ने
स्मृति दिवसको अवसरमा कात्तिक २४ गते
दुई दिने कन्क्लेभको एक दिनको मात्रै टुंगो
कांग्रेसले अर्थनीतिसँग जोडेर कार्यक्रम गर्ने
काठमाडौं ।।
नेपाली कांग्रेसले ‘इकोनोमी कन्क्लेभ’ गर्ने भएको छ । कांग्रेस संस्थापक नेता सुवर्ण शमसेर राणाको स्मृति दिवस पारेर दुई दिन कन्क्लेभ गर्न लागिएको हो । पार्टीको अर्थनीतिसम्बन्धी कन्क्लेभ सुवर्ण शमशेरको स्मृति दिवसको अवसरमा कात्तिक २४ गते गर्न लागिएको हो ।
महामन्त्री गगन थापाका अनुसार दुई दिने कन्क्लेभको एक दिनको मात्रै टुंगो लागेको छ । अर्को एक दिन कात्तिक २३ वा २५ मध्ये एक हुनेछ । सुवर्ण शमशेर बजेट प्रस्तुत गर्ने नेपालको पहिलो व्यक्ति समेत हुन् । उनले बजेट प्रस्तुत २००८ माघ १९ मा गरेका थिए ।
कांग्रेसका पहिलो अर्थमन्त्री समेत रहेका सुवर्ण शमशेरको स्मृतिलाई कांग्रेसले अर्थनीतिसँग जोडेर कार्यक्रम गर्न लागेको हो । ‘इकोनोमी कन्क्लेभ’ मा अर्थविदले आर्थिक नीतिका बारेमा विभिन्न आयामवारे कार्यपत्र प्रस्तुत गर्ने कांग्रेसले जनाएको छ ।
