खोटाङमा राति साथीसँग सुतेका सुमो चालक मृत भेटिए, घटना शंकास्पद
साझा परिवेश
बिहिबार, अशोज ११, २०८० १३:0८
खोटाङमा गाडी चालक मृत फेला
सुमो चालक नवराज आचार्य बिहीबार बिहान मृत
आफन्त काठमाडौंमा भएकाले आउँदै गरेको र आफन्त आएपछि मात्रै शव उठाएर पोस्टमार्टम
घटना शंकास्पद
खोटाङ /
खोटाङमा गाडी चालक मृत फेला परेका छन्। रावाबेसी गाउँपालिका ४ डुम्रेधारापानीका सुमो चालक नवराज आचार्य बिहीबार बिहान मृत भेटिएको इलाका प्रहरी कार्यालय (ऐसेलुखर्क) का प्रहरी निरीक्षक हरि बरालले जानकारी दिए। त्रिभुवन माध्यमिक विद्यालयको गेटनजिकै आचार्यको शव देखेपछि विद्यार्थीले स्थानीयलाई खबर गरेका थिए। उनीसहित अन्य चालकहरु बुधबार राति विद्यालयनजिकैको घरमा बसेका थिए।
३४ वर्षीय आचार्यले ऐसेलुखर्क–काठमाडौं सुमो चलाउँथे। टिकट काउन्टर रहेकै घरमा चालकहरु खाने/बस्ने गर्थे। राति ८ बजेतिर खाना खाएर सुतेको र बिहान ६ बजेपछि कराते सिक्न आउने विद्यार्थीले देखेपछि थाहा पाएको र प्रहरीलाई खबर गरेको अन्य चालकले बताएका छन्। उनका आफन्त काठमाडौंमा भएकाले आउँदै गरेको र आफन्त आएपछि मात्रै शव उठाएर पोस्टमार्टमका लागि लैजाने निरीक्षक बरालले बताए । घटना शंकास्पद देखिएको छ।
