July 20, 2024 | शनिबार, साउन ५, २०८१
सुचनाहरु
गृहमन्त्री लेखक र अमेरिकी राजदूतबीच भेटवार्ता एसिया कप महिला क्रिकेटमा नेपाल र युएई भिड्दै तोलामा २ हजार रुपैयाँ घट्यो सुनको मूल्य प्रधानमन्त्रीको प्रमुख राजनीतिक सल्लाहकारमा विष्णु रिमाल संसद भवन निर्माणको ढिलाइबारे सभामुखको असन्तुष्टि कनकाई सर्पदंश उपचार केन्द्रमा १७७ जनाले लिए सेवा झापामा २ जना फरार प्रतिवादी पक्राउ राष्ट्रिय सभा बैठक बस्दै, यस्तो छ कार्यसूची बङ्गलादेशमा आरक्षण विरुद्धको प्रदर्शन हिंसात्मक बन्दै, १९ जनाको मृत्यु डा.माबोको `डोलीभर्ना´ शुक्रबार लोकार्पण हुँदै गायक यशकुमारको हिरो सार्वजनिक ; दिपेन्द्र ,रोजेन र गरिमाको अभिनय मन्त्रीपरिषद बैठक बस्दै देशको अवस्था राम्रो र प्रशंसा गर्न लायक छैन : प्रधानमन्त्री ओली ‘आइसिसी डिजिटल फ्यान इन्गेजमेन्ट अवार्ड’ नेपालले पाएकोमा प्रधानमन्त्रीद्वारा बधाई ज्ञापन १५ गतेसम्म प्रतिनिधिसभाका ६ वटा बैठक सञ्चालन गर्ने निर्णय प्रधानमन्त्री ओलीले आइतबार विश्वासको मत लिने डेंगुको आशङ्का लागेमा निःशुल्क ‘हटलाइन टेलिफोन ११८०’ मा फोन गर्न काठमाडौँ महानगरको आग्रह चीनको डिपार्टमेन्टल स्टोरमा आगलागी, १६ जनाको मृत्यु एक वर्षमा रोजगारीका लागि सात लाखभन्दा बढी नेपाली बिदेश उडे एक वर्षमा २०१ भ्रष्टाचारका मुद्दा दर्ता, ५२४ कर्मचारी तानिए

कालोबजारी बढिरहंदा पनि सरकार टुलु टुलु हेरेर बसेको छ : सांसद

  • साझा परिवेश
  • शुक्रबार, अशोज १९, २०८० १३:२0
कालोबजारी बढिरहंदा पनि सरकार टुलु टुलु हेरेर बसेको छ : सांसद
  • कालोबजारी नियन्त्रण गर्न नसकेको भन्दै सांसदहरूद्वारा सरकारको आलोचना
  • अहिले चाडबाडका बेला कालोबजारी धमाधम बढ्दै 
  • बजारमा सामान भएर पनि लुकाउने  
  • चाडबाडका बेला सार्वजनिक सवारीसाधनले यात्रीलाई ठग्ने 

काठमाडौं ।।

चाडपर्वलाई लक्षित गरेर कालोबजारी गरिँदा पनि नियन्त्रण गर्न नसकेको भन्दै सांसदहरूले सरकारको आलोचना गरेका छन् । शुक्रबार प्रतिनिधिसभा बैठकको शून्य समयमा सांसद भगवती चौधरीले चाडबाडका बेला हुने कालोबजारी नियन्त्रणका लागि सरकारले ध्यान दिन नसकेको बताइन् । उनले मिटरब्याजीपीडितलाई पनि सरकारले थप पीडाबाहेक अरू केही दिन नसकेको भन्दै आक्रोश व्यक्त गरिन् ।

“अहिले चाडबाडका बेला कालोबजारी हुन्छ । बजारमा सामान छ, उसले लुकाउन खोज्छ, चाडपर्वमा महँगो गरी बेच्नका लागि । यसको अनुगमन सरकार पक्षले तदारुपताका साथ गर्नुपर्ने काम सरकारले गरेको छैन,” उनले भनिन्, “त्यसरी नै अहिले मुलुककी संहिताअन्तर्गत मिटरब्याजपीडितहरू झन् पीडामा परेको अवस्था छ ।”

सांसद विमला सुवेदीले चाडबाडका बेला सार्वजनिक सवारीसाधनले यात्रीलाई ठग्ने गरेको बताइन् । त्यो नियन्त्रण हुने गरी अनुगमनको कामलाई व्यवस्थित बनाउन उनले सरकारको ध्यानाकर्षण गराइन् ।

समयमै कालोबजारी नियन्त्रण गरी उपभोक्तालाई मारमा पर्न नदिन उनले सरकारलाई सचेत गराइन् । “चाडबाडको समयमा मूल्यवृद्धि तथा कालोबजारी हुने, सवारी भाडामा यात्रुहरूमाथि ठगी हुने गरेको छ,” उनले भनिन्, “बेलैमा यसको अनुगमन र नियन्त्रणका लागि सरकारको ध्यानाकर्षण गराउन चाहन्छु ।” सांसद मनीष झाले जनकपुरमा हत्या गरिएकी आरती साहका परिवारलाई न्याय दिनुको सट्टा पीडा दिने काम गरिएको भन्दै सरकारको आलोचना गरे ।

 

  • साझा परिवेश
  • शुक्रबार, अशोज १९, २०८० १३:२0

प्रतिक्रिया

तपाइको प्रतिक्रिया दिनुहोस्