स्वच्छ सरस्वतीनगर समाजले गर्यो नयाँ कार्यसमिति गठन
साझा परिवेश
आइतवार, अशोज २१, २०८० १७:0३
रन्जना काफ्ले । भक्तपुर ।।
स्वच्छ सरस्वतीनगर समाज, गठ्ठाघरद्वारा आयोजित १० औं साधारण सभा भव्यताकासाथ सम्पन्न भएको छ । समाजले ज्येष्ठ नागरिक लगाएत विभिन्न विद्यार्थीहरुलाई समेत सम्मान गरेको छ । भक्तपुर क्षेत्र नम्बर २ का प्रतिनिधि सभा सदस्य दुर्लभ थापा र समाज रहेको मध्यपुरथिमी नगरपालिका वडा नम्बर ३ का अध्यक्ष कृष्णहरि आचार्यले ८७ वर्षीया सुभद्रा पौडेल, ८४ वर्षीया साबित्री नेपाल, ८२ वर्षीय शेरबहादुर खड्का र ७९ वर्षीय कान्छाकाजी श्रेष्ठलाई दोसल्ला ओढाएर सम्मान पत्र प्रदान गरेका थिए ।
समाजको १०औं साधारण सभामा कक्षा १२ उत्तीर्ण विद्यार्थीलाई पनि सम्मान गरिएको थियो । साधारण सभाले केदारप्रसाद धितालको अध्यक्षतामा नयाँ कार्यसमिति गठन गरेको थियो । जसमा उपाध्यक्ष भक्तबहादुर कारञ्जित, सचिबमा सबिता न्यौपाने, सहसचिबमा रञ्जना काफ्ले, कोषाध्यक्षमा भीमा दाहाल रहेका छन् । यसैगरी, सदस्यमा यनुका बुढाथोकी, माधवराज दाहाल, सुशिला श्रेष्ठ, आरती पन्त पराजुली, राधा भट्टराई र सीता मैनाली छन् । समिति सर्वसम्मतबाट चयन गरिएको थियो ।
