इजरायलको विमानस्थलमा विद्यार्थीहरु नेपाल एयरलाइन्सको प्लेन कुर्दै
साझा परिवेश
बिहिबार, अशोज २५, २०८० ११:१५
नेपाली विद्यार्थी लिन नेपाल एयरलाइन्सको विमान इजरायलमा
नेपाल फर्कने विद्यार्थी पनि त्यहाँको विमानस्थलमा पुगिसके
त्यहाँबाट करिब साढे दुई/तीन घण्टापछि तेल अभिभ एयरपोर्टमा पुग्ने
काठमाडौं ।।
द्वन्द्वग्रस्त इजरायलमा रहेका नेपाली विद्यार्थी लिन नेपाल एयरलाइन्सको विमान त्यसतर्फ गएको छ । बिहीबार बिहान साढे २ बजे विमान इजरायलतर्फ उडेको संस्कृति, पर्यटन तथा नागरिक उड्ययनमन्त्री सुदन किरातीले जानकारी दिएका छन् । विद्यार्थी लिन नेपाल वायुसेवा निगमको जहाज इजरायल पठाइयो नेपाल फर्कने विद्यार्थी पनि त्यहाँको विमानस्थलमा पुगिसकेका छन् ।
कृषि तथा वन विज्ञान विश्वविद्यालयबाट इजरायल गएका विद्यार्थी सुरज भण्डारीले यस्तो जानकारी गराएका हुन् । “हामी भर्खरै तेल अभिभ एयरपोर्टमा पुगिसकेको छौँ, नेपाल एयरलाइन्सको प्लेन कुर्दै,” उनले सामाजिक सञ्जाल फेसबुकमा लेखेका छन् ।उनले यसअघि काडेश बार्नियादेखि एयरपोर्टका निम्ति आफूहरू बसमा चढेको उल्लेख गरेका थिए । त्यहाँबाट करिब साढे दुई/तीन घण्टापछि तेल अभिभ एयरपोर्टमा पुग्ने जनाएका थिए ।
