नयाँ पुस्तालक्षित गीतले जिन्दगी हाँसीखुसी बाँच्नुपर्छ भन्ने सन्देश
भिडियोमा गायिका आस्था, राज कटुवाललगायत व्यक्तिको अभिनय
काठमाडौं ।।
गायिका आस्था राउतको नयाँ गीत सार्वजनिक गरिएको छ । ‘लै बरी लै…’ बोलको गीत उनले आइतबार घटस्थापनाको अवसर पारेर सार्वजनिक गरेकी हुन् ।आस्थाको स्वर रहेको गीतमा सुरेश अधिकारीको संगीत छ । सावित्री राउतको शब्दरचना छ । सावित्री आस्थाकी आमा हुन् । नयाँ पुस्तालक्षित गीतले जिन्दगी हाँसीखुसी बाँच्नुपर्छ भन्ने सन्देश दिन्छ ।
“यो रमाइलो खालको इन्टरटेनिङ गीत हो । भिडियो मिनिङफुल छ । म भिडियोसँगै शब्दमा ध्यान दिन आग्रह गर्छु,” आस्था भन्छिन्, “सबैले बुझ्ने खालको गीत हो । रमाइलो गीत हो ।”किरण थापाले निर्देशन गरेको भिडियोमा झोेलेसिमको छायांकन छ । किरण थापाले कोरियोग्राफी गरेको भिडियो सम्पादन पनि झोेलेसिमले नै गरेका हुन् । गीतको भिडियोमा गायिका आस्था, राज कटुवाललगायत व्यक्तिको अभिनय छ ।
