इजरायलबाट फर्केका विद्यार्थीहरुको विभिन्न मागसहित प्रधानमन्त्रीलाई ज्ञापनपत्र
साझा परिवेश
आइतवार, अशोज २८, २०८० १५:१८
विद्यार्थीले ‘प्रचण्ड’लाई आइतबार ज्ञापनपत्र बुझाए
इजरायलमा आक्रमण गरेपछि सम्पर्क विपीन विहीन
विपीन जोशीको छिटोभन्दा छिटो खोजी गरी नेपाल फर्काउन अनुरोध
घाइते भएर नेपाल फर्केका धनबहादुर चौधरीको उपचारमा सहयोग गर्न माग
काठमाडौं ।।
इजरायलबाट फर्केका विद्यार्थीले प्रधानमन्त्री पुष्पकमल दाहाल ‘प्रचण्ड’लाई आइतबार ज्ञापनपत्र बुझाएका छन् । प्रधानमन्त्रीका स्वकीयसचिव रमेश मल्लमार्फत ज्ञापनपत्र बुझाइएको हो ।“तीनवटा माग राखी हामीले प्रधानमन्त्रीन्यूलाई आज ज्ञापनपत्र बुझाएका छौँ,” इजरायलबाट फर्केका विद्यार्थी विपीन सुवेदीले भने ।
ज्ञापनपत्रमा उनीहरूले प्यालेस्टाइनी लडाकु समूह हमासले इजरायलमा आक्रमण गरेपछि सम्पर्कविहीन भएका विपीन जोशीको छिटोभन्दा छिटो खोजी गरी नेपाल फर्काउन अनुरोध गरेका छन् । उनीहरूले हमासको आक्रमणका परी मारिएका १० नेपाली विद्यार्थीको शव छिटो नेपाल ल्याएर परिवारलाई बुझाउन समेत अनुरोध गरेका छन् । हमासको आक्रमणमा परी घाइते भएर नेपाल फर्केका धनबहादुर चौधरीको उपचारमा सहयोग गर्न पनि उनीहरूले सरकारसँग अनुरोध गरेका छन् ।
