हमास र इजरायलबीच युद्धमा २४ सयको ज्यान गयो, हजारौँको जीवन जोखिममा
साझा परिवेश
सोमवार, अशोज २९, २०८० ११:0९
हमास र इजरायलबीच जारी युद्धमा ठूलो जनधनको क्षति
गाजामा स्थिति दिनदिनै बिग्रँदै
इजरायलमा आक्रमणपछि गरेपछि द्वन्द्व चर्कियो
गाजामा पानी, खाना, बिजुली र औषधिको संकट
काठमाडौं ।।
प्यालेस्टाइनी लडाकु समूह हमास र इजरायलबीच जारी युद्धमा ठूलो जनधनको क्षति भइसकेको छ । यही अक्टोबर ७ मा हमासले एक्कासि इजरायलमा आक्रमणपछि गरेपछि द्वन्द्व चर्किएको हो । गाजामा स्थिति दिनदिनै बिग्रँदै गएको छ । इजरायलको आक्रमणबाट त्यहाँ अहिलेसम्म २४ सय ५० जनाको मृत्यु भएको र एक हजार मानिस हराइरहेको बीबीसीले जनाएको छ ।
गाजामा पानी, खाना, बिजुली र औषधिको संकट चुलिएको छ । अबको २४ घण्टामा गाजाका सबै अस्पतालमा इन्धन पूर्ण रूपमा सकिने भन्दै संयुक्त राष्ट्रसंघले यस्तो अवस्थामा हजारौँ बिरामीको जीवन जोखिममा पर्ने चेतावनी दिएको छ । उता, हमासको आक्रमणमा परी इजरायलमा अहिलेसम्म १४ सय मानिसको मृत्यु भएको बीबीसीले जनाएको छ । दजनौँ मानिसलाई हमासले बन्धन बनाएको बीबीसीले उल्लेख गरेको छ ।
