सोलुखुम्बु – सोलुखुम्बुको पर्यटकीय नगरी लुक्ला बजारको रिसोर्टमा आगलागी भएको छ । खुम्बु पासाङ ल्हामु गाउँपालिका २ लुक्ला स्थित खुम्ब्युला रिसोर्टमा आज शुक्रबार विहान करिब १० बजेबाट आगलागी भएको हो । उक्त रिसोर्टमा विद्युत सर्ट भएर ग्यास सिलिण्डर विस्फोट हुँदा आगो लागेको सहकर्मी तोया कुमार श्रेष्ठले जानकारी दिनुभयो ।
पर्यटकहरु ब्रेकफस्ट गरेरहेको समयमा एक्कासि रिसोर्टमा आगो लागेको प्रत्यक्षदर्शीले बताएका छन् । आगो निभाउन प्रहरीसहित स्थानीयबासी सकृय भएको सोेलुखुम्बुका प्रमुख जिल्ला अधिकारी बसन्त भट्टराईले बताउनुभयो ।
घटनास्थलमा थप प्रहरी फोर्स परिचालित गरिएको सोलुखुम्बुुका प्रहरी नायब उपरीक्षक दिपक श्रेष्ठको भनाई छ । घरहरुसँगै जोडिएरकाले अन्य घरहरु जोगाउने प्रयास भईरहेको छ भने फायर सिस्टमको मद्धतबाट आगो नियन्त्रणकोभईरहेको बताइएको छ । उक्त रिसोर्ट स्थानीय चुङ्बा शेर्पाले सञ्चालन गरेको बताइएको छ ।
