उत्तरी गाजाको जबालिया शरणार्थी क्याम्पमा भएको विष्फोटमा ५० जनाको मृत्यु भएको बीबीसीले जनाएको छ। हमास शासित स्वास्थ्य मन्त्रालय तथा नजिकैको इन्डोनेसियन अस्पतालका अनुसार विष्फोटमा थुप्रै मानिस घाइते पनि भएका छन्।
समाचार एजेन्सीहरुले घटनास्थलका हृदयविदारक तस्बिर तथा भिडियोहरु सार्वजनिक गरेका छन्, जसमा मानिसहरु भग्नावशेषमा आफन्तजन खोजिरहेका देखिन्छन्।
यो विष्फोट इजरायली हवाई हमलाका कारण भएको हमासको भनाइ छ। यसको बारेमा इजरायली पक्षबाट भने कुनै प्रतिक्रिया आएको छैन।
गाजा शहरको उत्तरी क्षेत्रमा रहेको जबालिया क्याम्प गाजाका आठ शरणार्थी क्याम्पमध्येको सबैभन्दा ठूलो हो। संयुक्त राष्ट्रसंघका अनुसार सन् २०२३ जुलाईसम्ममा त्यहाँ १ लाख १६ हजारभन्दा बढी प्यालेस्टिनी शरणार्थीले नाम टिपाएका छन्।
सन् १९४८ को लडाइँपछि त्यहाँ शरणार्थी बस्न थालेका हुन्। यो सानो तर घना बसोबास भएको क्षेत्र हो। जबालियामा २६ स्कुल, एक फुड डिस्ट्रिब्युसन सेन्टर र दुई स्वास्थ्य केन्द्र पनि छन्।
![१७ मन्त्रीको मन्त्रालय तोकियो [सूचीसहित]](https://sajhaparibesh.com/wp-content/uploads/2024/01/pm-837x411.jpg)
