June 14, 2024 | शुक्रबार, जेष्ठ ३२, २०८१
सुचनाहरु
श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट हावाहुरी र चट्याङसहित पानी पर्ने सम्भावना

मन्त्रीहरुको जिम्मेवारी तोकेर भूकम्प प्रभावित क्षेत्रमा खटाइयो

  • साझा परिवेश
  • सोमवार, कार्तिक २०, २०८० १४:0१
मन्त्रीहरुको जिम्मेवारी तोकेर भूकम्प प्रभावित क्षेत्रमा खटाइयो
  • मन्त्रीहरू भूकम्प प्रभावित क्षेत्रमा खटिएर समन्वय तथा व्यवस्थापन गर्ने
  • आवश्यकता अनुसार प्रभावित क्षेत्रहरूमा सक्रिय हुने
  • पालिकाहरूले सहज रूपमा राहत सामग्री खरिद गर्न सक्ने व्यवस्था मिलाइने

जाजरकोट ।।

कर्णाली प्रदेश सरकारका मन्त्रीहरू भूकम्प प्रभावित क्षेत्रमा खटिएर समन्वय तथा व्यवस्थापन गर्ने भएका छन् । मुख्यमन्त्री र मन्त्रीहरु बीचको छलफल पश्चात् मन्त्रीहरू आ-आफ्नो तोकिएको क्षेत्रमा पुगेका छन् ।मुख्यमन्त्री राजकुमार शर्मा सोमबार बिहानैदेखि जाजरकोटमा छन्। मुख्यमन्त्री शर्मा आवश्यकता अनुसार प्रभावित क्षेत्रहरूमा सक्रिय हुनेछन् । मन्त्री जिसीका आ-आफ्नो कार्य क्षेत्रअनुसारको सबै मन्त्रीलाई व्यवस्थापन तथा समन्वयको जिम्मेवारी दिइएको छ । कर्णाली प्रदेश सरकारका प्रवक्ता एवम् कानुनमन्त्री कष्णबहादुर जिसीका अनुसार आर्थिक मामिला तथा योजना मन्त्री बेदराज सिंहलाई गृहजिल्ला समेत रहेको जाजरकोटमा खटाइएको छ ।

आन्तरिक मामिला तथा कानुनमन्त्री जिसी र सामाजिक विकास मन्त्री खड्ग पोखरेल सुर्खेतमा बसेर आवश्यक राहत व्यवस्थापनदेखि आपूर्ति लगायतका कामहरू गर्नेछन् । जिसीले प्रदेशबाट गर्ने आवश्यक सामग्रीहरू एकद्वार प्रणालीमार्फत जिल्लाहरूमा पठाउने छन् । उनी शनिबारदेखि नै सुर्खेत विमानस्थलमा रहेर आपूर्तिको काममा सक्रिय छन् । कृषिमन्त्री भीम प्रकाश शर्मा रूकुम पश्चिम र गृहजिल्ला सल्यानमा रहेर काम गर्नेछन् ।

यस्तै ऊर्जा तथा जलस्रोत मन्त्री उर्मिला विश्वकर्मा पनि खानेपानी लगायतका विषयमा रहेर प्रभावित क्षेत्रमै खटिने छिन् । भूकम्पले क्षति पुगेका खानेपानीका योजना मर्मतदेखि मन्त्रालयबाट गर्नुपर्ने काम उनले गर्नेछिन् । उनी पनि सोमबार बिहान जाजरकोट पुग्दैछिन् । भौतिक पूर्वाधार तथा सहरी विकास मन्त्री मंगलबहादुर शाहीलाई भौतिक संरचनाको तथ्यांक संकलनदेखि अभिलेख राख्ने लगायतका कार्यमा सक्रिय हुने गरी जिम्मेवारी तोकिएको छ । प्रभावित क्षेत्रका लागि प्रदेश सरकारले छुट्याएको रकम अबको केही दिनभित्र पालिका पठाइने कर्णाली प्रदेश सरकारका प्रवक्ता एवम् कानुनमन्त्री कष्णबहादुर जिसीले बताए । उनका अनुसार पालिकाहरूले सहज रूपमा राहत सामग्री खरिद गर्न सक्ने व्यवस्था मिलाइने छ ।

 

  • साझा परिवेश
  • सोमवार, कार्तिक २०, २०८० १४:0१

प्रतिक्रिया

तपाइको प्रतिक्रिया दिनुहोस्