सोलुखुम्बुका मृगौला पिडित कामे मगर बचाउ अभियान सुरु गरिने

काठमाडौँ । सोलुखुम्बुका  कामे मगर बचाउ अभियान सुरु गरिने भएको छ । सोलुदुधकुण्ड नगरपालिका ७ गार्मा घर भई हाल काठमाडौँको गोकर्णेश्वर नगरपालिका वडा नं ४ मा सोलु बालकल्याण अनाथालय संस्था सञ्चालन गर्दै आएका  मगरको दुवै मृगौला फेल भएपछि उनलाई बचाउन अभियान सुरु गरिने भएको हो ।

परिवारको आर्थिक अवस्थ कमजोर भएकोले कामे मगरको उपचारमा समस्या भएको परिवार स्रोतले बताएको छ । २०६८ सालदेखि अनाथ, बेसहारा, गरिब, अपाङ्गता भएका बालबालिकाहरुको बुबा बनेर सहारा दिई रहेका उनको उपचारका आर्थिक सहयोगका लागि राष्ट्रिय बाणिज्य बैंकमा रहेको उनको  खाता नम्बर ११००१०००२१२१८०१० मा रकम जम्मा गर्न सकिने परिवाले जनाएको  छ  ।

करिब १२ बर्ष अघिदेखि अनाथालय सञ्चालन गरेर २० जना भन्दा बढी अनाथ बालबालिकाहरुलाई सेवा दिँदै आइरहेका ४५ बर्षिय मगर बिगत १ वर्ष अगाडीदेखि  विरामी परेका थिए । उपचारका लागि अस्पताल धाए पनि रोग पत्ता नलाग्दा उनी झन चिन्तित हुँदै आएका थिए ।

केही समय अगाडी उपचारको लागि भारतमा गएर उपचार गर्दा  एक महिना अगाडी मात्र डाक्टरले उनको दुवै मृगौला फेल भएको बताएपछि मगर छाँगाबाट खसेको जस्तो भएर नेपाल फर्किएका थिए  । अहिले उनले मृगौलाको डाइलासिस गराइरहेका छन् ।

सोलिखुम्बुको बिकट गाउँमा जन्मेका उनले पर्यटनको क्षेत्रमा लामो समय समय काम गरेका छन् ।  पछिल्लो समय उनी समाजसेवाको क्षेत्रमा कार्य गर्ने चाहना राखेर बाल आश्रम खोलेर अनाथहरुको अभिभावक बन्दै आएका थिए  । सोलुखुम्बामा जन्मेका उनी हाल काठमाडौँ गोकर्णेश्वर नगरपालिकाका स्थायी बासिन्दा पनि हुन् ।

• संसद विघटन