केबलकारलाई यातायातको साधन बनाउनुपर्छ : कुलमान घिसिङ

• केबलकारलाई ट्रान्सपोटेसन (यातायात) को रूपमा प्रयोग गर्न आवश्यक
• प्रवर्द्धन र सामान आयात गर्नुपर्ने व्यवस्थामा प्राथमिकता दिनुपर्ने 
• इकोनोमिक एक्टिभिटी बढ्छ, पर्यटकहरू बढ्छन्, रोजगारीको अवसर पनि बढ्छ सक्ने 

काठमाडौं ।।

नेपाल विद्युत् प्राधिकरणका कार्यकारी निर्देशक कुलमान घिसिङले केबलकारलाई ट्रान्सपोटेसन (यातायात) को रूपमा प्रयोग गर्न आवश्यक रहेको बताएका छन् । लुम्बिनी केबलकारको भ्रमणपछि सञ्चारकर्मीहरूसँग कुरा गर्दै उनले केबलकारलाई पर्यटनको हिसाबले मात्रै नभइ ट्रान्सपोटेसनको हिसाबले पनि नेपालमा बढाउनुपर्ने जरुरी रहेको बताए । उनले नेपालमा सडक बनाएर डाँडामा पुग्नुभन्दा केबलकार बनाएर त्यहाँको प्रवर्द्धन र सामान आयात गर्नुपर्ने व्यवस्था हुन आवश्यक रहेको बताए ।

केबलकारहरूले नेपालको अर्थतन्त्र चलायमान बनाउन र पर्यटन प्रवर्द्धन गर्न र विद्युत् खपत बढाउने काम गरेको उनको भनाइ छ । उनले नेपालको भौगोलिक अवस्थालाई बुझेर केबलकारको संख्या अझै बढ्नुपर्नेमा जोड दिए । उनले भने, “धेरै केबलकारहरूले नेपालको आर्थिक क्रियाकलाप र पर्यटनदेखि विद्युत् खपत पनि राम्रो गर्छ । नेपालको भौगोलिक अवस्था र नेपालको जियोलोजिकल अवस्था र हाम्रो हिमाल, पहाड र तराईको अवस्थालाई हेरेर धेरै केबलकार बढ्नुपर्छ । यस्तै, केबलकारहरूले हाम्रो विद्युत्को खपत बढ्ने हो र यो विभिन्न ठाउँमा इकोनोमिक एक्टिभिटी बढ्छ, पर्यटकहरू बढ्छन्, रोजगारीको अवसर पनि बढ्छ ।

केबलकारलाई पर्यटनको हिसाबले मात्रै नभइ ट्रान्सपोटेसनको हिसाबले पनि नेपालमा केबलकारको महत्वपूर्ण भुमिका हुनेछ । नेपालमा बाटो बनाएर डाँडामा पुग्नुभन्दा पनि ठूला ठूला ट्रान्सपोटेसन केबलकारबाट गर्दा राम्रो हुन्छ । यसले विद्युत् खपतका साथै इकोनोमिमा राम्रो गर्छ । लुम्बिनी केबलकार महत्वपूर्ण छ ।” त्यस्तै, लुम्बिनी केबलकारका अप्रेसन म्यानेजर डीएन कायस्थले दसैँ तिहारको बीचदेखि अहिलेसम्म पर्यटकको भीड रहेको बताए । आफूहरूले अपेक्षा गरेअनुसारकै पर्यटकहरू आएकोमा खुसी व्यक्त गरे ।

• संसद विघटन