मुस्लिम धर्मवालम्बीहरुको इज्तिमा स्थगन गर्न दलहरुको अपिल

विराटनगर । इस्लाम धर्मवालम्बीहरुले सुनसरीको दुई स्थानमा मंसिर ५ गतेदेखि १० गतेसम्म आयोजना गर्न लागेको इज्तिमा कार्यक्रम सुरक्षाका कारणले स्थागित गर्न अनुरोध गरेका छन् ।

सोमबार बसेको राजनीतिक दलहरुको संयुक्त बैठकले मुलुकको वर्तमान सुरक्षा संवेदनशील अवस्थामा उच्श्रृङ्खल तत्वहरुको घुसपैठ हुनसक्ने सम्भावनालाई मध्यनजर राख्दै हाललाई कार्यक्रम स्थगीत गर्न सरोकारवालाहरुलाई अनुरोध गरेका छन् । मुलुकको सुरक्षा वातावरण सहज नभएको र वातावरण सहज भएपछि आपसी समन्वयमा कार्यक्रम आयोजना गर्न विभिन्न ५ राजनीतिक दलहरुले संयुक्त अपिल प्रकाशन गरेका छन् ।

सुनसरीका नेपाली काँग्रेसका सभापति केदार भण्डारी, एमाले अध्यक्ष रेवतिरमण भण्डारी, नेकपा माओवादी केन्द्रका अध्यक्ष योगेन्द्रप्रसाद मण्डल, राष्ट्रिय प्रजातन्त्र पार्टीका अध्यक्ष दुर्गाबहादुर बस्नेत र जनता समाजवादी पार्टीका अध्यक्ष भगिरथ खत्वेले हस्ताक्षर गरी अपिल प्रकाशित गरेका हुन् ।

नेपाल बहुजातीय, बहुधार्मिक, बहुसांस्कृतिक मुलुक भएको र सांस्कृतिक ऐक्यवद्धता, सहिष्णुता र सद्भाव संरक्षण तथा प्रवद्र्धन गर्ने संकल्पसहित राज्य सञ्चालन भइआएकोमा इज्तिमा आयोजकसँग सहमतिमा नै कार्यक्रम स्थगत गर्ने निर्णय यस अगाडि नै भएको पनि अपिलमा स्मरण गराइएको छ ।

कार्यक्रम स्थगन गर्ने सहमति अनुसार स्थानीय प्रशासनले नेपाल सरकारसमक्ष अनुरोध गरेको र नेपाल सरकारले दुहवी नगरपालिका १ स्थित प्राष्टोकीमा मंसिरक ५ देखि ७ गतेसम्म र इटहरी नगरपालिका १३ स्थित खनारमा मंसिर ७ देखि ९ गतेसम्म आयोजना आयोजना गर्ने भनिएको कार्यक्रम रोक्ने निर्णय गरेको थियो ।

कात्तिक २५ गते स्थानीय राजनीतिक दल र कार्यक्रम आयोजकबीच बैठक बसेर सहमतिका कार्यक्रम रोक्ने निर्णय भएपनि केही व्यक्तिले कार्यक्रम आयोजना गर्न खोजेपछि दलहरुले पुनः सहमति स्मरण गराउँदै सार्वजनिक अपिल प्रकाशन गरेका हुन् ।

• संसद विघटन