मेयर रेनु दाहालको बदनाम गरेको भन्दै रास्वपाका २ कार्यकर्ता पक्राउ
साझा परिवेश
बुधबार, मंसिर ६, २०८० १२:४१
मेयर रेनु दाहालको बदनाम गर्न खोजेको आरोप
रास्वपाका दुई जना कार्यकर्ता पक्राउ
उनीहरुमाथि थप अनुसन्धान हुँदै
चितवन ।।
भरतपुर महानगरपालिकाकी मेयर रेनु दाहालको बदनाम गर्न खोजेको आरोपमा राष्ट्रिय स्वतन्त्र पार्टी (रास्वपा) का दुई जना कार्यकर्तालाई चितवन प्रहरीले पक्राउ गरेको छ । पक्राउ पर्नेमा चितवनको रत्ननगर नगरपालिका वडा नम्बर १० घर भएका शिव शर्मा र भरतपुर महानगरपालिका वडा नम्बर ७ बस्दै आएका उपेन्द्र देवकोटा रहेका छन् । उनीहरु दुवैलाई गएराति आ-आफ्नै घरबाट नियन्त्रणमा लिइएको चितवन प्रहरीले जनाएको छ । उनीहरुमाथि मेयर दाहाल र पत्रकार सन्तोष देउजाको तस्वीर तोडमोड गरी सामाजिक सञ्जाल मार्फत बदनाम गर्न खोजेको आरोप छ । उनीहरुमाथि थप अनुसन्धान भइरहेको जिल्ला प्रहरी कार्यालय चितवनले जनाएको छ ।
