तथ्यांक हेर्दा अर्थतन्त्रमा सुधार भएपनि जनतालाई विश्वास दिलाउन सकेको छैन : प्रधानमन्त्री
साझा परिवेश
बिहिबार, मंसिर २१, २०८० १२:५८
अर्थतन्त्रमा सुधारका लागि केही नयाँ घोषणा गर्ने तयारी
तथ्यांक हेर्दा अर्थतन्त्रमा सुधार भएपनि जनतामा भ्रम बढ्दै
शासकीय सुधारका विषयमा बृहत छलफल
काठमाडौं ।।
प्रधानमन्त्री पुष्पकमल दाहाल प्रचण्डले अर्थतन्त्रमा सुधारका लागि केही नयाँ घोषणा गर्ने तयारीमा रहेको बताएका छन् ।बिहीबार काठमाडौंमा रेस्पोन्सिबल बिजनेस समिटलाई सम्बोधन गर्दै प्रधानमन्त्री प्रचण्डले तथ्यांक हेर्दा अर्थतन्त्रमा सुधारको अनुभूति भएपनि व्यवहारमा जनतामा आशाको सञ्चार हुन नसकेको बताए ।
यसका लागि अझै मिहिनेत गर्नुपर्ने भन्दै उनले अगाडि भने, ‘अर्थतन्त्र सुधारमा केन्द्रित रहेर अझ बृहत बैठक र केही नयाँ घोयष गर्ने तयारी गरिरहेको छु । ’बुधबार मात्र शासकीय सुधारका विषयमा बृहत छलफल गरेको भन्दै उनले यो क्षेत्रमा केही नयाँ गर्न सकिए त्यसको प्रभाव अर्थतन्त्रमा पनि पर्ने बताए ।
