जनता र पार्टीको सम्बन्ध नङ र मासुको जस्तै हुनुपर्छ : देव गुरुङ
साझा परिवेश
बिहिबार, मंसिर २१, २०८० १३:३९
मुलुकमा अस्थिरता निम्त्याउने चलखेल हुँदै
मुलुक अहिले अग्रगामी दिशातर्फ गैरहेको छ
पार्टीले विशेष रूपान्तरण अभियान सुरु गर्दै
कञ्चनपुर ।।
नेकपा (माओवादी केन्द्र) का महासचिव देवप्रसाद गुरुङले पछिल्लो समय मुलुकमा अस्थिरता निम्त्याउने चलखेल भइरहेको बताएका छन् । प्रेस सेन्टरद्वारा बिहीबार महेन्द्रनगरमा आयोजित पत्रकार सम्मेलनमा उनले भने, “मुलुक अहिले अग्रगामी दिशातर्फ गइरहेकाले व्यवस्था उल्टिने अवस्था होइन ।”
उनले जनताका समस्या बुझ्न आफ्नो पार्टीले विशेष रूपान्तरण अभियान सुरु गरेको बताए । “जनता र पार्टीको नङ र मासुको सम्बन्ध हुनुपर्छ,” उनले भने, “यसै अभियानअन्तर्गत पार्टीका नेता–कार्यक्रता जनताको घरदैलोमा पुग्नेछन् ।” सरकारले जनतालाई सुशासनको प्रत्याभूति दिन परिणाममुखी काम गरिरहेको उनले बताए ।
